ပဲပင်ပေါက်ဆိုသည်မှာ ပဲစေ့လေးတွေကနေစပြီး အပင်ပေါက်လာခြင်းဖြစ်သည်။ ထိပ်ဖျား တွင် အဝါရောင်အရွက်နှစ်ခုရှိပြီး အဖြူရောင်ရိုးတံလေးနှင့် အမြစ်ခပ်ပါးပါးလေးပါသည့် အပင်ငယ် လေးဖြစ်ပါသည်။ ပဲပြားနှင့် ပဲပင်ပေါက်ကို ရောကြော်စားကြသလို အသုပ်များထဲတွင်ထည့်ပြီး စားသုံးကြသလို ပဲတီချဉ်သုပ်ကလည်းမြန်မာလူမျိုးများအတွက် ခံတွင်းမြိန်စေသော ဟင်းလျာတစ် မျိုးဖြစ်ပါသည်။ ပဲပင်ပေါက်သည်အာဟာရဓာတ်ကြွယ်ဝသလို ခန္ဓာကိုယ်အတွက်လိုအပ်သော ဗီတာမင်နှင့် သတ္ထုဓာတ်များကြွယ်ဝစွာပါဝင်သောကြောင့် ကျန်းမာရေးကို များစွာအထောက်အကူ ပြုပါသည်။ ပဲပင်ပေါက်တွင်ဗီတာမင်C ပါဝင်သောကြောင့် ကိုယ်ခံအားကိုကောင်းစေနိုင်ပြီး ရောဂါပိုး ကူးစက်မှုကနေ အထိရောက်ဆုံးကာကွယ်ပေးပါသည်။ ဓာတ်တိုးဆန့်ကျင်အာနိသင်ပါဝင်သော ကြောင့် ခန္ဓာကိုယ်ကိုကျန်းမာစေပြီး ဇီဝကမ္မလုပ်ငန်းစဉ်များကို အကောင်းဆုံးလည်ပတ်စေနိုင် ပါသည်။ ပဲပင်ပေါက်တွင် ကိုယ်တွင်းအင်္ဂါကျန်းမာအောင်ထောက်ပံ့ပေးမှု၊ ဆဲလ်များဖြစ်ပေါ်မှု၊ ကြွက်သားများသန်စွမ်းအောင် လုပ်ဆောင်ပေးနိုင်သောပရိုတင်းကြွယ်ဝစွာပါဝင်ပါသည်။ ထို့ကြောင့် ပဲပင်ပေါက်ကို အရိုးနှင့်ကြွက်သားများသန်မာစေပြီး ကိုယ်တွင်းအင်္ဂါများကျန်းမာစေရန် စားသုံးပေး သင့်ပါသည်။ ပဲပင်ပေါက်တွင်ပါဝင်သော အင်ဇိုင်းသည် အစာခြေစနစ်ကိုကျန်းမာစေနိုင်ပြီး အစာ ကြေစေနိုင်သလို အူနံရံများကို အာဟာရဓာတ်များအကောင်းဆုံးစုပ်ယူနိုင်အောင် ထောက်ပံ့ပေးနိုင် ပါသည်။ အမျှင်ဓာတ်များစွာပါဝင်သောကြောင့် ဝမ်းချုပ်ခြင်းမှလည်း ကာကွယ်ပေးပါသည်။ ကယ်လ်လိုရီပါဝင်မှုနည်းပြီး ခန္ဓာကိုယ်အတွက်အကျိုးပြုသည့် ဗီတာမင်နှင့်သတ္ထုဓာတ်များ ကြွယ်ဝ စွာပါဝင်သောကြောင့် ကိုယ်အလေးချိန်ကျချင်သူများအနေဖြင့် စားသုံးပေးသင့်သော အစားအစာ တစ်မျိုးလည်းဖြစ်သည်။ ပဲပင်ပေါက်တွင်ပါသည့် သံဓာတ်နှင့်ကော့ပါးဓာတ်များသည် ခန္ဓာကိုယ် သွေးနီဉဆဲလ်များကိုဖြစ်ပေါ်စေပြီး ကိုယ်တွင်းသွေးလည်ပတ်မှုကိုလည်း အားကောင်းစေပါသည်။ ဗီတာမင်A ကြွယ်ဝစွာပါဝင်သောကြောင့် အသက်အရွယ်ကြောင့်ဖြစ်တတ်သော အမြင်အာရုံပြဿာ နာများကို အထိရောက်ဆုံးကာကွယ်ပေးပြီး မျက်စိအတွင်းတိမ်ဖြစ်ခြင်းမှလည်း ကာကွယ်ပေးနိုင်ပါ သည်။ ထို့ကြောင့် မျက်လုံးကိုအသုံးပြု၍အလုပ်လုပ်နေရသူများအတွက် အမြင်အာရုံအားကောင်း စေရန် ပဲပင်ပေါက်ကိုစားသုံးပေးသင့်ပါသည်။ ကျန်းမာသောခန္ဓာကိုယ်ကို ပိုင်ဆိုင်နိုင်စေရန် ပဲပင်ပေါက်ကို တစ်ပတ်လျှင်(၃)ကြိမ် စားသုံးပေးသင့်ပါသည်။ ပဲပင်ပေါက်သည် လူတိုင်းနှင့်တည့် သည်ဆိုသော်လည်း အသက်(၅)နှစ်အောက်ကလေးများ၊ အသက်(၇၀)အထက်လူကြီးများ၊ ကိုယ်ဝန် ဆောင်မိခင်များ၊ ကိုယ်ခံအားနည်းသူများအနေဖြင့် အများကြီးစားသုံးရန်မသင့်ကြောင်းနှင့် ပဲပင် ပေါက်ကို အစိမ်းစားခြင်းမှ ရှောင်ကျဉ်သင့်ပါကြောင်း လေ့လာသိရှိရပါသည်။
DOCA(မန္တလေး)