ပဲနီလေးသည် ကုန်ခြောက်ဆိုင်များတွင် အလွယ်တကူဝယ်ယူလို့ရနိုင်သလို ရာသီမရွေးစား သုံးလို့ရနိုင်သော ပဲအမျိုးအစားတစ်မျိုးလည်းဖြစ်ပါသည်။ ဟင်းရည်ချက်စားကြသလို ကြက်သွန်နီ၊ ကြက်သွန်ဖြူ၊ ဂျင်းတို့နှင့်နှပ်စားခြင်းများလည်းရှိပါသည်။ ပဲနီလေးသည် စားသုံးရတာနူးနူးညံ့ညံ့ဖြင့် စားကောင်းသော ဟင်းတစ်မျိုးလည်းဖြစ်ပါသည်။ ပဲနီလေးစားသုံးပေးခြင်းဖြင့် ရရှိနိုင်သောအာ ဟာရဓာတ်များမှာ ကယ်လ်လိုရီ၊ ကာဗိုဟိုက်ဒရိတ်၊ ပရိုတင်း၊ အဆီ၊ အမျှင်ဓာတ်၊ သီရာမင်း၊ နီကာ ဆင်၊ ဗီတာမင် B6၊ ဖောလိတ်၊ သံဓာတ်၊ Pantothenic Acid၊ မဂ္ဂနီဆီယမ်၊ ဖော့စဖောရပ်စ်၊ ပိုတက် ဆီယမ်၊ ဇင့်၊ ကော့ပါးနှင့် မဂ္ဂနိစ်တို့ ဖြစ်ပါသည်။ ပဲနီလေးကိုစားသုံးပေးခြင်းဖြင့် ခန္ဓာကိုယ်တွင် ရရှိနိုင်သော ကျန်းမာရေးအကျိုးကျေးဇူးများလည်းရှိပါသည်။ ပဲနီလေးတွင် နှလုံးကိုကျန်းမာစေ နိုင်သည့် အမျှင်ဓာတ်၊ ဖောလစ်အက်ဆစ်နှင့် ပိုတက်ဆီယမ်တို့ပါဝင်ပါသည်။ အမျှင်ဓာတ်ကြွယ်ဝစွာ ပါဝင်သောကြောင့် သွေးတွင်းကအကျိုးမပြုသော ကိုလက်စထရောပမာဏကိုကျဆင်းစေနိုင်ပြီး ခန္ဓာကိုယ်အတွက် မရှိမဖြစ်လိုအပ်သောဗီတာမင်နှင့် သတ္ထုဓာတ်များစွာပါဝင်သောကြောင့် နှလုံး ကျန်းမာရေးကို အကောင်းဆုံးအထောက်အပံ့ပေးနိုင်ပါသည်။ ပဲနီလေးတွင် ကယ်လ်ဆီယမ်၊ မဂ္ဂနီဆီ ယမ်၊ ပိုတက်ဆီယမ်တို့ပါဝင်သောကြောင့် သွေးပေါင်ချိန်ကို ကျစေနိုင်ပြီး နှလုံးကျန်းမာစေနိုင်ပါ သည်။ ကိုယ်ဝန်ဆောင်မိခင်များအနေဖြင့်လည်း ကိုယ်ဝန်ဆောင်ချိန်အတွင်း ပဲနီလေးကိုစားသုံးပေး ခြင်းဖြင့် ဖောလစ်အက်ဆစ်ကိုကြွယ်ဝစွာရရှိသောကြောင့် ကလေးကိုကျန်းမာစေပြီး လမစေ့ဘဲ မွေးဖွားခြင်းမျိုးမဖြစ်အောင်လည်း ကာကွယ်ပေးနိုင်ပါသည်။ ပဲနီလေးသည် ပရိုတင်းဓာတ်ကိုပေး နိုင်သလို သံဓာတ်ကြွယ်ဝစွာပါဝင်သောကြောင့် သံဓာတ်ချို့တဲ့မှု့ကြောင့်ဖြစ်သော ခြေကုန်လက် ပမ်းကျခြင်း၊ ပင်ပန်းနွမ်းနယ်ခြင်းမှလည်း ကာကွယ်ပေးပါသည်။ အမျှင်ဓာတ်ကြွယ်ဝစွာပါဝင်သော ကြောင့် အစာခြေစနစ်ကိုကောင်းမွန်စေပြီး ဝမ်းချုပ်ခြင်းမျိုးမဖြစ်အောင်လည်းကာကွယ်ပေး နိုင်သလို အူနံရံတွေကိုလည်း အာဟာရဓာတ်များအကောင်းဆုံးစုပ်ယူနိုင်အောင် ပံ့ပိုးပေးပါသည်။ အမျှင်ဓာတ်သည် ဗိုက်ပြည့်သည်ဟုခံစားစေရပြီး ကိုယ်အလေးချိန်ထိန်းလိုသူများအတွက်လည်း အထူးသင့်လျော်ပါသည်။ ထို့ကြောင့် ပဲနီလေးကိုစားသုံးပေးခြင်းဖြင့် နှလုံးကျန်းမာစေနိုင်ခြင်း၊ ကိုယ်ဝန်ဆောင်မိခင်များ ကျန်းမာစေနိုင်ခြင်း၊ ကင်ဆာရောဂါမှကာကွယ်ပေးခြင်း၊ ပင်ပန်းနွမ်းနယ် ခြင်းများကိုသက်သာစေခြင်း နှင့်အစာခြေစနစ်ကောင်းမွန်စေခြင်း စသည့်ကျန်းမာရေးအကျိုး ကျေးဇူးများစွာ ရရှိစေနိုင်ကြောင်းစာပေများမှ ဖတ်ရှု့သိရှိရပါသည်။
DOCA(မန္တလေး)