အနံ့လေးမွှေးပြီး အရောင်အသွေးပါပြောစရာမရှိအောင် ချစ်ဖို့ကောင်းသော မက်မွန်သီး သည် အဆင်းလှရုံတင်သာမဟုတ်ဘဲ အချင်းနှင့်လည်း ပြည့်စုံပါသည်။ သဘာဝတရားကပေးစွမ်း သည့် အရာတိုင်းသည်လူသားများအတွက် တစ်ဖက်တစ်လမ်းမှ အကျိုးပြုစမြဲဖြစ်ပါသည်။ မက်မွန် သီးဆိုသည်မှာ အပေါ်ခွံမှာ အမွှေးပွပွလေးများပါပြီး ပန်းရောင်၊ အနီရောင်နှင့် အဝါရောင်ရောစပ် ထားသည့် အခွံရှိသော အသီးတစ်မျိုးဖြစ်ပါသည်။ အသားသည် အဝါရောင်ရှိ ပြီး အလယ်တွင် အစေ့ တစ်စေ့ပါတတ်ပါသည်။ အနံ့မွှေးပြီး အရသာမှာလည်းချိုပါသည်။ မက်မွန်သီးတွင် ခန္ဓာကိုယ် အတွက် အကျိုးပြုစေသည့် ဗီတာမင်၊ သတ္ထုဓာတ်များနှင့် အခြားအကျိုးပြုဒြပ်ပေါင်းများစွာ ပါဝင်ပါသည်။ မက်မွန်သီးတွင် ကယ်လ်လိုရီ၊ ပရိုတင်း၊ အဆီ ဓာတ်၊ ကာဗိုဟိုက်ဒရိတ်၊ အမျှင်ဓာတ်၊ ဗီတာမင်C၊ ဗီတာမင်A၊ ဗီတာမင်E၊ ဗီတာမင်K၊ ပိုတက်ဆီယမ်၊ နီကာဆင်၊ ကော့ပါး၊ မဂ္ဂနိစ်၊ ကယ်လ်ဆီယမ်နှင့်သံဓာတ်များ ပါဝင်ပါသည်။ မက်မွန်သီးတွင် အမျှင်ဓာတ်များစွာပါဝင်သော ကြောင့် အစာခြေစနစ်ကို အကောင်းဆုံးထောက်ပံ့ ပေးနိုင်ပြီး အစာများကိုကြေညက်စေနိုင်သလို အူနံရံကိုအာဟာရဓာတ်များ စုပ်ယူနိုင် အောင်လည်း ကူညီပေးပါသည်။ ဝမ်းမမှန်ခြင်းနှင့် အစာခြေ စနစ်ပြဿာနာများ မဖြစ်အောင်လည်း တားဆီးပေးနိုင်ပါသည့်အပြင် အူမကြီးကိုလည်းကျန်းမာစေ နိုင်ပါသည်။ မက်မွန်သီးသည် နှလုံးရောဂါခံစားရနိုင်ခြေကို နည်းစေရုံမက သွေးတိုးနှင့်သွေးတွင်း ကိုလက်စထရော မြင့်တက်မှု မဖြစ်အောင်လည်းကာကွယ်ပေးပါသည်။ မက်မွန်သီးတွင်ပါဝင်သော ဒြပ်ပေါင်းသည် အရေပြားကိုအစိုဓာတ်ထိန်းပေးပြီး အသားအရေကို တင်းရင်းစေသလို အရေပြား ပြဿာနာများ မဖြစ်အောင်လည်း ကာကွယ်ပေးနိုင်ပါသည်။ မက်မွန်သီးသည် ကင်ဆာရောဂါမဖြစ် အောင်လည်းကာကွယ်ပေးနိုင်ပြီး ဓာတ်မတည့်မှုများမဖြစ်အောင်လည်း ကာကွယ်ပေးနိုင် ပါသည်။ ထို့အပြင် မက်မွန်သီးကိုစားသုံးပေးခြင်းဖြင့် အမြင်အာရုံကောင်းစေခြင်း၊ အနာကျက်မြန်စေခြင်း၊ ဆီးချိုသမားများအတွက် သွေးတွင်းသကြားဓာတ်ကို ထိန်းညှိပေးနိုင်ပြီး အင်ဆူလင်ပမာဏကို လည်းတိုးစေနိုင်ပါသည်။ မက်မွန်သီးသည် ကျန်းမာရေးအတွက် ကောင်းသော်လည်း အလွန်အကျွံ မစားသုံးမိဖို့လိုအပ်ပါသည်။ မက်မွန်သီးကို စားသုံးရာတွင် သတိထားစားသုံးရမည့်အရာ များလည်းရှိရာ ရောဂါအခံရှိသူများ၊ ကျန်းမာရေးအခြေအနေ တစ်ရပ်ရပ်ကြောင့် ဆေးပုံမှန်သောက်နေရသူများ အနေဖြင့် ဆရာဝန်နှင့်တိုင်ပင်ပြီးမှ စားသုံးပေး သင့်ပါကြောင်း ဖတ်ရှု့မှတ်သားသိရှိရပါသည်။
DOCA(မန္တလေး)