ငရုတ်ကောင်းဆိုသည်မှာ ဟင်းခတ်အမွှေးအကြိုင်များထဲတွင် နာမည်အကြီးဆုံးနှင့် လူကြိုက်အများဆုံး အမွှေးအကြိုင်တစ်ခုဖြစ်ပါသည်။ အရှေ့တိုင်းထမင်းဝိုင်းတွင် ပါလေ့ရှိသော ဟင်းခတ်အမွှေးအကြိုင်ဖြစ်သလို အနောက်တိုင်းအစားအစာ၊ ဉရောပအစားအစာတွေမှာလည်း ငရုတ်ကောင်းကို အသုံးပြုလေ့ရှိပါသည်။ မွှေးပျံ့ပြီးပူစပ်သည့်အာနိသင်ကြောင့် အနံ့ရသည်နှင့် အစားစားချင်စိတ်ကို နှိုးဆွပေးနိုင်ပါသည်။ ဟင်းပွဲတော်တော်များများ၏ မွှေးရနံ့နှင့်အရသာကို တာဝန်ယူထားသည့် ငရုတ်ကောင်းသည် ကျန်းမာရေးအတွက်လည်းအကျိုးကျေးဇူးများစွာပေးပါသည်။ ငရုတ်ကောင်းစားသုံးပေးခြင်းဖြင့် အစာခြေစနစ်ကိုအားကောင်းစေပြီး ဗိုက်ထဲလေပွခြင်း နှင့် လေထိုး လေအောင့်ဖြစ်ခြင်းများကိုလည်းသက်သာစေပါသည်။ ငရုတ်ကောင်းတွင်ပါသောဒြပ် ပေါင်းတစ်ခုသည် စိတ်ကျဝေဒနာခံစားနေရသူများအတွက် အကျိုးပြုသည့်အပြင် ဦးနှောက်၏လုပ် ဆောင်ချက်များကို ကောင်းမွန်စေပြီး မှတ်ဉာဏ်လည်းကောင်းစေပါသည်။ ငရုတ်ကောင်းကို နည်းနည်းနှင့်ပုံမှန်စားသုံး ပေးခြင်းဖြင့် စိတ်ကျရောဂါကိုသက်သာစေပြီး ဦးနှောက်စွမ်းရည်ကို လည်းသိသိသာသာတိုးတက် စေနိုင်ပါသည်။ ငရုတ်ကောင်းသည် အစာခြေဖျတ်မှုကိုကောင်းစေ သည့်အပြင် လေလည်စေပြီး ချွေးထွက်ခြင်းနှင့် ဆီးသွားခြင်းကိုနှိုးဆွပေးနိုင်စွမ်းရှိသောကြောင့် ခန္ဓာ ကိုယ်ထဲက အဆိပ်အတောက် များကို ကင်းစေနိုင်ပါသည်။ ငရုတ်ကောင်းမှုန့်ကိုစားသုံးပေးခြင်း ကြောင့် အာဟာရစုပ်ယူမှု အားကောင်းစေခြင်း၊ ဝိတ်ကျစေခြင်း၊ ချောင်းဆိုးခြင်းနှင့်လည်ချောင်း နာခြင်းများကို ပျောက်ကင်း စေနိုင်ခြင်း၊ နှလုံးကျန်းမာစေခြင်း၊ သွားကိုက်သက်သာစေခြင်း၊ ဆံပင်ဖြူခြင်းမှကာကွယ်ပေးနိုင်ခြင်း၊ အဆစ်နာဝေဒနာသည်များအတွက် သက်သာစေခြင်းစသည့် ကျန်းမာရေးအကျိုးကျေးဇူးများ ရရှိ စေနိုင်သည့်အပြင် အသားအရေကြည်လင်လှပစေနိုင်ရန်အတွက် ပျားရည်(သို့မဟုတ်)ဒိန်ချဉ်တို့ နှင့်ရောစပ်ပြီး အသုံးပြုလျှင် ဆဲလ်သေများကိုလည်းဖယ်ရှားပေးနိုင်ပါ သည်။ ငရုတ်ကောင်းမှုန့်သည် ဆေးဖက်ဝင်သော်လည်း အလွန်အကျွံအသုံးပြုခြင်းမျိုး မပြု လုပ်ရန်သတိထားသင့်ပါသည်။ ငရုတ်ကောင်းမှုန့်ကိုအများကြီးစားသုံးမိပါက ရင်ပူခြင်းမျိုးလည်း ဖြစ်စေနိုင်ပါသည်။ ငရုတ်ကောင်းမှုန့် ကို အသုံးပြုမည်ဆိုလျှင် ရောဂါအခံရှိသူများ၊ ကျန်းမာရေး ပြဿာနာများအတွက် ဆေးသောက် နေရသူများအနေဖြင့် ဆရာဝန်နှင့်တိုင်ပင်ပြီးမှ အသုံးပြုသင့် ကြောင်း ဖတ်ရှု့မှတ်သားသိရှိရပါသည်။
DOCA(မန္တလေး)