ငှက်ပျောသီးနှင့်ပတ်သက်သော လေ့လာတွေ့ရှိချက်များအရ ငှက်ပျောသည် အရှေ့တောင် အာရှဇာတိဖြစ်ကြောင်း၊ တောထဲတွင် အရိုင်းပေါက်နေသော ငှက်ပျောပင်များကို လူများကမျိုးယူပြီး တစ်ဆင့်တစ်ဆင့် စိုက်ပျိုးသည်မှ ယဉ်အောင်လုပ်ဆောင်ခဲ့ရကြောင်း ဖော်ပြထားပါသည်။ တစ်ဆယ့်ငါး ရာစုနှစ် တစ်ဆယ့်ခြောက်ရာစုများမှာ ပေါ်တူဂီများသည် ငှက်ပျောကို သူတို့ ကိုလိုနီပြုထားသော အတ္တလန္တိတ်သမုဒ္ဒရာထဲရှိကျွန်းများ၊ ဘရားဇီးနိုင်ငံနှင့် အနောက်အာဖရိကများမှာ စတင်စိုက်ပျိုးနေ ကြောင်း၊ အမေရိကန်စစ်ကြီးပြီးချိန်တွင် မြောက်အမေရိကတိုက်သားများသည် ငှက်ပျောသီးကို ဈေးကြီး ကြီးပေးပြီး စားနေကြရကြောင်း၊ ၁၈၈၀ ပြည့်နှစ်များတွင် ငှက်ပျောသီးကို လူအမြောက်အမြား စားနိုင်ကြ သည်ဖြစ်ကြောင်း လေ့လာသိရပါသည်။
ဘာသာရေး၊ ဓလေ့ထုံးစံတို့နှင့်နှီးနွယ်၍ အသုံးပြုရာတွင် မြန်မာများသည် ရတနာသုံးပါး ဘုရား၊ တရား၊ သံဃာတို့ကို ပူဇော်ရာမှာ ဘုရားပွဲ၊ တရားပွဲအဖြစ်လည်းကောင်း၊ မိမိတို့ ရိုးရာယုံကြည်သော နတ်များကို ပူဇော်ရာတွင် နတ်ပွဲအဖြစ်လည်းကောင်း၊ ကန်တော့ပွဲပြင်ဆင်သည့်အခါ ငှက်ပျောသီးကို အဖီးလိုက်ထည့်သွင်း ပြင်ဆင်လေ့ရှိကြောင်း လေ့လာသိရှိရပါသည်။
DOCA(ရှမ်း)