သင်္ဘောသီးသည် မြန်မာနိုင်ငံအပါအဝင် အပူပိုင်းဒေသများတွင်ပေါက်ရောက်လေ့ရှိသော အသီးအနှံဖြစ်ပြီး အာဟာရဓာတ်များစွာပါဝင်ပါသည်။ သင်္ဘောသီးတွင် ဓာတ်တိုးဆန့်ကျင်ပစ္စည်း များကြွယ်ဝစွာပါဝင်ပြီး ရောင်ရမ်းမှုကိုကျဆင်းစေခြင်း၊ ရောဂါများကိုနှိမ်နှင်းနိုင်ခြင်း၊ အရွယ်တင် နုပျိုစေနိုင်ခြင်း စသည့်အကျိုးကျေးဇူးများစွာရရှိစေနိုင်ပါသည်။ သင်္ဘောသီးသည် အနံ့အရသာနှင့် ပြည့်စုံသည့်အပြင် အာဟာရဓာတ်များစွာကြွယ်ဝသည့်အသီးအနှံတစ်မျိုးဖြစ်ပြီး ကယ်လ်ဆီယမ်၊ မဂ္ဂနီဆီယမ်၊ ဗီတာမင်B1၊ B3၊ B5၊ ဗီတာမင်E၊ ဗီတာမင်K စသည့်သတ္တုဓာတ်များစွာ မျှတစွာပါ ဝင်ပါသည်။ သင်္ဘောသီးကိုစားသုံးပေးခြင်းဖြင့် အသက်အရွယ်ကြီး၍ ဆီးချိုရောဂါဖြစ်နိုင်ချေရှိသူ များ၊ သွိုင်းရွိုက်အားနည်းသူများ၊ ကင်ဆာရောဂါကုသမှုခံယူနေရသူများအတွက် ရောဂါများဖြစ် ပွားမှုမှ ကာကွယ်တားဆီးပေးနိုင်သလို ရောဂါဖြစ်ပွားမှုကိုလည်း သက်သာပျောက်ကင်းစေနိုင်၍ အဆိုပါရောဂါများအဖို့ အထူးသင့်လျော်အသီးတစ်မျိုးဖြစ်ပါသည်။ သင်္ဘောသီးတွင် လိုင်ကိုပင်းနှင့် ဗီတာမင်စီပါဝင်သောကြောင့် နှလုံးရောဂါကို ကာကွယ်ပေးနိုင်ခြင်း၊ papain အင်ဇိုင်းပါဝင်သော ကြောင့် ပရိုတိန်းကိုချေဖျတ်ရာတွင် အထောက်အကူပြုခြင်း၊ ဝမ်းချုပ်ခြင်းမှကာကွယ်ပေးနိုင်ခြင်း၊ လေပူထခြင်းကိုသက်သာစေခြင်း၊ အသားအရေကိုတင်းရင်းပြီး အရွယ်တင်နုပျိုစေနိုင်ခြင်း၊ နေရောင် ခြည်ကြောင့် အသားအရေပျက်စီးခြင်းမှလည်း ကာကွယ်ပေးခြင်း စသည့်ကျန်းမာရေးအကျိုး ကျေးဇူးများစွာကို ရရှိစေနိုင်ပါသည်။ သင်္ဘောသီးကို စားသုံးရာတွင်သတိပြုရမည့် အချက်များ လည်းရှိသည့်အတွက် ကိုယ်ဝန်ဆောင်အမျိုးသမီးများ သင်္ဘောသီးအစိမ်းကိုစားသုံးလျှင် သားအိမ် ကျုံ့ခြင်းကိုဖြစ်ပေါ်စေနိုင်ပြီး ကလေးပျက်ကျခြင်းများ ဖြစ်ပေါ်နိုင်ပါသည်။ သင်္ဘောသီးအမှည့်တွင် အင်ဇိုင်းပါဝင်မှုနည်းသွားပြီး တခြားအာဟာရဓာတ်များ ပိုမိုကြွယ်ဝစွာပါရှိသောကြောင့် ကိုယ်ဝန် ဆောင်အမျိုးသမီးများအနေဖြင့် သင်္ဘောသီးအစိမ်းကို ရှောင်ပြီး အမှည့်ကိုစားသုံးပေးသင့်ပါသည်။
DOCA(မန္တလေး)