“ ငရုတ်ကောင်းအကြောင်းသိကောင်းစရာများနှင့်ကျန်းမာရေးအတွက်အသုံးဝင်ပုံများ”

   အာယုဗေဒဆေးပညာတွင် ဆေးဖက်ဝင်သော အစပ်သုံးမျိုးများဖြစ်သည့် ငရုတ်ကောင်း၊ ချင်းနှင့် ပိတ်ချင်းများ ဆေးများဖော်စပ်ရာတွင် အသုံးပြုလျက်ရှိသည်။ မြန်မာ့တိုင်းရင်းဆေးများ ဖော်စပ် ရာတွင်လည်း ငရုတ်ကောင်းကို အသုံးပြုလျက်ရှိပြီး ရှေးလူကြီးများက ဆေးမြီးတိုအဖြစ် အိမ်တွင် အလွယ်တကူ အသုံးပြုလျက်ရှိသောကြောင့် ကျန်းမာရေးအတွက်လည်း အထောက်အကူများ ပြုပါသည်။ ငရုတ်ကောင်းကို  လူမျိုးဘာသာမရွေး စားသုံးနိုင်သည့်အပြင် ဟင်းများချက်ပြုတ်ရာ တွင်လည်း ငရုတ်ကောင်း၏ ပြင်းရှရှအနံ့နှင့် ပူစပ်စပ်အရသာသည် အစပ်ဟင်းများတွင် ပိုပြီးအနံ့ အရသာနှင့်ပြည့်စုံစေသည့်အပြင် ဟင်းရဲ့အနံ့အရသာများကို ပိုကောင်းအောင် ထည့်သုံးသည့် ဟင်းခတ်အမွှေးအကြိုင်များထဲတွင် ငရုတ်ကောင်းသည် မပါမဖြစ် ပါဝင်နေသောကြောင့် လူသိများ ၍ အသုံးအများဆုံး ဟင်းခတ်အမွှေးကြိုင်များထဲတွင် ထည့်သွင်း အသုံးပြုလျက်ရှိသည်ကို တွေရ သည်။ မြန်မာ့တိုင်းရင်းဆေးပညာများတွင် ဆေးဖက်ဝင်ဖြစ်သော ငရုတ်ကောင်းတွင် Piperine, Volatile Oil, Starch and Resin စတဲ့ ဓာတုဒြပ်ပေါင်းများ ပါဝင်သောကြောင့် ဘတ်တီးရီယားပိုးကို သေစေနိုင်သည်။ ငရုတ်ကောင်း စားသုံးခြင်းကြောင့် ဝမ်းပျက်ဝမ်းလျောရောဂါ၊ အအေးမိဖျားနာခြင်း၊ ချွဲကြပ်ခြင်း၊ မီးယပ်နှင့် ပတ်သတ်သောရောဂါ၊ သွေးတိုးရောဂါ၊ ပန်းနာရောဂါ၊ လေထိုးလေအောင့် ရောဂါ စသည့် ရောဂါဝေဒနာများအား သက်သာပျောက်ကင်းစေနိုင်သည့်အပြင် အစာခြေအင်ဇိုင်းနှင့် အစာခြေရည်ကို များများထွက်စေသည့်အတွက် အစာခြေစနစ်ကို အားကောင်းစေခြင်း၊ အန်တီ အောက်ဆီးဒန့် ဓာတ်ပါဝင်သောကြောင့် ကိုယ်ခံအားစနစ်ကိုကောင်းစေခြင်း၊ ကင်ဆာရောဂါ မဖြစ် အောင် ကြိုတင်ကာကွယ် ပေးသောကြောင့် ဗီတာမင်နှင့်သတ္တုများ ဖြစ်သော Selenium, Curcumin, Beta-caroteneနှင့် Vitamin-B များကို တစ်နေ့တာ စားလိုက်သော အစားအသောက်တွေထဲက စုပ်ယူပေးသောကြောင့် ကျန်းမာရေးအတွက်အကျိုး ကျေးဇူးများစွာ ရှိပါသည်။ ရှေးလူကြီး များကလည်း အိမ်တွင်းသုံး ဆေးမြီးတိုအနေဖြင့်လည်း အလွယ်တကူ အသုံးပြုကြသည်။ ငရုတ်‌ ကောင်းကိုအသုံးပြု၍ အအေးမိ၊ နှာစေး၊ ဖျားနား၊ ချွဲကြပ်တာအတွက် ငရုတ်ကောင်းမှုန့်ကို လက်ဖက်စားဇွန်း နှစ်ဇွန်းနှင့် ပျားရည် စားပွဲတင်ဇွန်း တစ်ဇွန်းကို ရောပြီး ရေနွေးပူပူနှင့် ဖျော်၍ သောက်ပေးခြင်း၊ ချောင်းခြောက်ဆိုးခြင်း၊ ချောင်းအဆက်မပြတ် ဆိုးသူများအတွက် ငရုတ်ကောင်းအမှုန့်ကို ပျားရည်နှင့်ရောစပ်ပြီးလျက်ပေးခြင်း၊ နှာခေါင်းသွေး ယိုသူများအတွက် နွားနို့တစ်ခွက်ထဲတွင် ငရုတ်ကောင်းမှုန့် လက်ဖက်စားဇွန်းတစ်ဇွန်း တစ်ဝက်ခန့် ထည့်ဖျော်၍ တိုက်ပေးခြင်း၊ လေထိုး‌ လေအောင့် အစာအိမ်နာတာတွေအတွက် ငရုတ်ကောင်းမှုန့်ကို နွယ်ချိုနှင့် ရောပြီး လျက်ပေးခြင်း၊ မီးဖွားပြီးစ နို့တိုက်မိခင်များ နို့ထွက်နည်းသူများအတွက် နို့ထွက်ရန်အထောက်အကူပြုသော အရွက်များနှင့် ငရုတ်ကောင်းမှုန့်ကို နိုင်နိုင်ခပ်၍ ဟင်းခါးချက်ပြီး တိုက်ပေးခြင်းကြောင့် နို့များများ ထွက်စေခြင်းစသည့် ရောဂါဝေဒနာများ သက်သာပျောက်ကင်းစေနိုင်သောကြောင့် ငရုတ်ကောင်း စားသုံးခြင်းသည် လူတို့အတွက် ကျန်းမာရေးဆိုင်ရာ အကျိုးကျေးဇူးများစွာ ရှိပါ သည်။ ထိုပြင် ငရုတ်ကောင်းအပင်များကို စီးပွားဖြစ်စိုက်ပျိုးကာ အိမ်တွင်မိသားစု တစ်နိုင်တစ်ပိုင် စိုက်ပျိုးနိုင်ခြင်း ဖြင့် စီးပွားဖြစ်ဝင်ငွေတိုးစေမည့်အပြင် ကျန်းမာရေးအတွက် ဆေးဖက်ဝင်သော ငရုတ်ကောင်းပင် များကို အိမ်တိုင်းတွင် စိုက်ပျိုးရန် အထူးသင့်လျော်သော အပင်မျိုးဖြစ်ပါသည်။

DOCA( ရန်ကုန်)