ဂျင်းဟာ မီးဖိုချောင်သုံး ဟင်းခက်အမယ်တွေထဲမှာ ဆေးဖက်ဝင်တဲ့ ပစ္စည်းတစ်မျိုး ဖြစ်ပါသည်။ ရှေးနှစ်ပေါင်းများစွာကတည်းကပင် ဂျင်းကိုကျန်းမာရေးဓာတ်စာအဖြစ် စားသုံးလေ့ရှိကြပြီး ယနေ့ခေတ် ဆရာဝန်တွေကိုယ်တိုင်က ကျန်းမာရေးအတွက် အကျိုးပြုပစ္စည်း တစ်မျိုးဖြစ်ကြောင်း လမ်းညွှန်ထားပါသည်။ ဂျင်းလက်ဖက်ရည်ကို နေ့တိုင်းသောက်သုံးလျှင် ခန္ဓာကိုယ်အတွက် ကောင်းကျိုးများစွာရရှိနိုင်ပါသည်။
(၁) နှလုံးရောဂါမှ ကာကွယ်ပေးခြင်း။ ဂျင်းသည် နှလုံးရောဂါကို ကာကွယ်နိုင်စွမ်းရှိရုံ သာမက ကိုလက်စထရောကျဆင်းခြင်း၊ ကောင်းမွန်သော ကိုလက်စထရောဓာတ်တိုးခြင်းနှင့် သွေးပေါင်ချိန်ကျဆင်းခြင်းစသည့် ကောင်းကျိုးများစွာရရှိစေပြီး နှလုံးကျန်းမာရေးကိုလည်း တိုးတက်ကောင်းမွန်စေပါသည်။
(၂) ကိုယ်အလေးချိန်ထိန်းညှိပေးခြင်း။ ဂျင်းလက်ဖက်ရည်သောက်သုံးပေးခြင်းဖြင့် သဘာဝအတိုင်း ကိုယ်အလေးချိန်ကို ထိန်း ပေးနိုင်ပြီး ဆာလောင်မွတ်သိပ်မှုကို လျော့နည်းစေကာ အချိန်အတော်ကြာ ဗိုက်ပြည့်သည့် ခံစားမှုကိုရစေမှာဖြစ်ပါသည်။
(၃) သွေးတွင်းသကြားဓာတ်ကို လျော့နည်းစေခြင်း။ ဆီးချိုရောဂါသည်များအတွက် ဂျင်းလက်ဖက်ရည်သောက်သုံးပေးခြင်းက သွေးတွင်းသကြားဓာတ်ကိုလျော့နည်းစေပြီး (၁၂)ပတ် ကြာလေ့လာမှုတစ်ခုအရလည်း ဆီးချိုတက်ခြင်းကို လျော့ကျစေနိုင်ကြောင်း သုတေသီများက ဆိုထားပါသည်။
(၄) ဒူးအဆစ်များနာကျင်ခြင်းကို သက်သာခြင်း။ ဂျင်းလက်ဖက်ရည်ရဲ့ နောက်ထပ်ကောင်းကျိုးတစ်ခုကမှာ ဒူးအဆစ်များ နာကျင်ကိုက်ခဲခြင်းကို သက်သာစေပါသည်။ ဒူးအဆစ်ကိုက်ခဲ နာကျင်ပါက ဂျင်းလက်ဖက်ရည်ကို ၆ လခန့် နေ့စဉ်ပုံမှန်သောက်ပေးမည်ဆိုလျှင် နာတာရှည် ဒူးအဆစ် နာကျင်ကိုက်ခဲခြင်းကို သိသိသာ သာ သက်သာပျောက်ကင်းစေပါသည်။
(၅) ကင်ဆာရောဂါကို ကာကွယ်ပေးခြင်း။ သုတေသနပြုချက်များအရ အစာအိမ်ကင်ဆာ၊ ပန်ကရိယကင်ဆာ၊ အသည်းနှင့် အူမကြီးကင်ဆာစသည့် ကင်ဆာအမျိုးအစားများစွာကို ကာကွယ်နိုင်စွမ်းရှိကြောင်း ခိုင်လုံသော သက်သေအထောက်အထားများအရ တွေ့ရှိခဲ့ရပါသည်။ ထို့ကြောင့် ဂျင်းလက်ဖက်ရည်ကို နေ့စဉ်သောက်ပေးမည်ဆိုလျှင် အမျိုးမျိုးသော ကင်ဆာရောဂါများကို ကာကွယ်ပေးနိုင်မှာဖြစ်ပါသည်။
အသက်ရှင်နေထိုင်ဖို့ရန်အတွက် လှုပ်ရှားရုန်းကန်နေရခြင်းကြောင့် စိန်ခေါ်မှုများစွာနှင့် ရင်ဆိုင်ကြုံတွေ့ရတတ်ပါသည်။ နေ့စဉ်စိတ်ဖိစီးမှုများ ဖြေဖျောက်ပေးရန်အတွက် ကျန်းမာရေးနှင့်ညီညွတ်သည့် ဂျင်းလက်ဖက်ရည်လေးကို သတိတရ သောက်သုံးပေးသင့် ပါကြောင်း ရေးသားဖော်ပြပါသည်။
DOCA(ရှမ်း)