ရန်ကုန်တိုင်းဒေသကြီး၊ ရွှေပြည်သာမြို့နယ်နေ တိုင် ကြားသူတစ်ဦးသည် အစားအသောက်ပို့ဆောင်ရေး App တစ်ခု မှ Order မှာရန် Order တန်ဖိုး ငွေ ကျပ် ၃၆,၁၅၀/- အား Online Payment ဖြင့် ပေးချေရာတွင် Payment successful မပြသဖြင့် နေ့ခင်း(၁၂း၀၅)တွင် Cancel ပြုလုပ်ခဲ့ရာ Order Cancel ဖြစ်သွားသော်လည်း Online Payment မှ ငွေဖြတ် တောက်သွားသောကြောင့် စားသုံးသူရေးရာဦးစီးဌာန၏ Website Complaint System မှတစ်ဆင့် တိုင်ကြားလာပါသည်။
ဖြေရှင်းဆောင်ရွက်မှုအခြေအနေ။ တိုင်ကြားမှုနှင့်ပတ်သက်၍ ဌာနမှတာဝန်ရှိသူများက တိုင်ကြား ခံရသည့် အစားအသောက်ပို့ဆောင်ရေးကုမ္ပဏီသို့ ဆက်သွယ်မေးမြန်းခဲ့ရာ ကုမ္ပဏီမှတာဝန်ရှိသူများ သည် တိုင်ကြားသူအားဆက်သွယ်၍ အော်ဒါကုတ်နံပါတ်တောင်းပြီး စစ်ဆေးရာတွင် တိုင်ကြားသူ သည် အမှာစာ(Order)အား စားသောက်ဆိုင်ဘက်မှ လက်ခံ၍ ပြင်ဆင်ချက်ပြုတ် ပြီးစီးသည့် နောက်ပိုင်းတွင်မှ “အမှာစာ ပြင်ဆင်ခွင့်မရရှိခြင်း” (Order modification not possible)ဟူသော အကြောင်းပြချက်ဖြင့် အမှာစာ(Order)အား ပယ်ဖျက်(Cancel)ခဲ့ခြင်းဖြစ်ပါကြောင်း၊ တိုင်ကြားသူ သည် ငွေပြန်အမ်းပေးရန် လူမှုကွန်ယက်စာမျက်နှာအဖွဲ့ (So Me Team)ထံသို့ ဆက်သွယ်တောင်း ဆိုခဲ့သော်လည်း ကုမ္ပဏီ၏ မူဝါဒ(Policy)အရ စားသောက် ဆိုင်မှ အမှာစာအား လက်ခံပြီးစီးသည့်် နောက်ပိုင်းတွင် ဝယ်ယူသူဘက်မှ ပယ်ဖျက်ခြင်းဖြစ်ပါက ငွေပြန်အမ်းခွင့်မရှိပါကြောင်း၊ ယခုဖြစ်စဉ် အဆင့်အတန်းအား အရေးကြီးအဆင့်အဖြစ် သတ်မှတ်ကာ ယခုတစ်ကြိမ်တွင် ခြွင်းချက်အနေဖြင့် ဖြေလျှော့မှုပြုလုပ်ပေးရန်နှင့် ငွေပြန်အမ်းရေးအဖွဲ့သို့ ဆက်လက်လွှဲပြောင်းပေးရန် ပြန်လည်ညွှန် ကြားခဲ့ပြီး တိုင်ကြားသူ၏ Wave Money အကောင့်ထဲသို့ ဇွန်လ ၉ ရက်နေ့တွင် ငွေပြန်လည် ထည့်ပေးခဲ့ပြီးဖြစ်ပါကြောင်း အကြောင်းပြန်ကြားလာသဖြင့် ဌာနမှတာဝန်ရှိသူများသည် တိုင်ကြားသူ ထံ ဖုန်းဖြင့်ဆက်သွယ်မေးမြန်းခဲ့ရာ Refund ငွေပြန်လည်ရရှိပါကြောင်း ဖြေကြားလာသဖြင့် တိုင် ကြားမှုကို ပိတ်သိမ်းဆောင်ရွက်ခဲ့ပါသည်။