စားသုံးသူရေးရာဦးစီးဌာန၊ မြင်းခြံခရိုင်ဦးစီးမှူးရုံးသို့ မြင်းခြံမြို့၊ အမှတ်(၁၂)ရပ်ကွက်ရှိ အလှကုန် လုပ်ငန်းအားလုပ်ကိုင်ဆောင်ရွက်သော လုပ်ငန်းရှင်မှ အွန်လိုင်းစနစ်ဖြင့်ရောင်းချခြင်းကို အွန်လိုင်းမှတ်ပုံတင်လိုင်စင်ဆောင်ရွက်နိုင်ရေးအတွက် ၂၂.၅.၂၀၂၆ ရက်နေ့၊ နံနက် ၁၁:၀၀ နာရီအချိန်တွင် လာရောက်တွေ့ဆုံခဲ့ပါသည်။
အွန်လိုင်းစနစ်ဖြင့် ရောင်းချခြင်းလုပ်ငန်းဆိုသည်မှာ ကုန်စည်ကိုဖြစ်စေ၊ ဝန်ဆောင်မှု ကိုဖြစ်စေ အွန်လိုင်း(Online)စနစ်မှတစ်ဆင့် ဝန်ဆောင်မှုပေး၍ ရောင်းချသည့်လုပ်ငန်းကိုဆိုလိုတာဖြစ်ကြောင်း၊အွန်လိုင်းစနစ်ဖြင့်ရောင်းချခြင်း လုပ်ငန်းဆောင်ရွက်လိုသူသည် ကုန်သွယ်ရေးဦးစီးဌာနက သတ်မှတ် ထားသော လျှောက်လွှာပုံစံတွင် ဖြည့်သွင်း၍ အွန်လိုင်း(Online)စနစ်ဖြင့် ဦးစီးဌာနသို့ မှတ်ပုံတင် လက်မှတ်လျှောက်ထားရမည်ဖြစ်ကြောင်းနှင့် လျှောက်ထားရာတွင် ပူးတွဲတင်ပြရမည့် အချက်များ၊ သတ်မှတ်ချက်များ၊ မှတ်ပုံတင်လက်မှတ်ရရှိသူ၏ တာဝန်များနှင့်အခွင့်အရေးများအား ဒု-ခရိုင်ဦးစီးမှူး ဦးတင်ဇော်ထွေးက ရှင်းလင်းဆွေးနွေးခဲ့ကြောင်း သိရသည်။
DOCA(မန္တလေး)