ကချင်ပြည်နယ်၊ မြစ်ကြီးနားမြို့နေ တိုင်ကြားသူသည် သစ်သားဝယ်ယူရာတွင် မှာယူထားသော သစ်အမျိုးအစားနှင့် ကိုက်ညီမှုမရှိသည့် အခြားသစ်သားများ ပါဝင်လာသဖြင့် ပြန်လည်ပေးပို့ခဲ့ပြီး သစ်သားဖိုးငွေ တောင်းခံရာတွင် ပေးအပ်ခြင်းမရှိသဖြင့် ဆုံးရှုံးနစ်နာသောသစ်သားဖိုးငွေ ပြန်လည် ရရှိစေရေးအတွက် စားသုံးသူရေးရာဦးစီးဌာန၏ Website ဖြစ်သည့် www.doca.gov.mm သို့ တိုင်ကြားလာပါသည်။
တိုင်ကြားမှုနှင့်စပ်လျဥ်း၍ စစ်ဆေးရေးမှူးအား ဖြစ်စဥ်မှန်/မမှန် စုံစမ်းစစ်ဆေးရန် တာဝန်ပေးခဲ့ပြီး စစ်ဆေးရေးမှူး၏ တင်ပြချက်အရ ၃၁-၃-၂၀၂၆ ရက်နေ့တွင် တိုင်ကြားသူနှင့် တိုင်ကြားခံရသူတို့အား ဆက်သွယ်၍ ကချင်ပြည်နယ် စားသုံးသူရေးရာဦးစီးမှူးရုံး၌ ပြည်နယ်ဦးစီးမှူးက နှစ်ဦးနှစ်ဖက် စေ့စပ်ညှိနှိုင်းခဲ့ရာ သစ်သားအရောင်းဆိုင်တာဝန်ရှိသူက တိုင်ကြားသူနစ်နာမှုအတွက် သစ်သားတန်ဖိုး ငွေ၅၀၂၀၀၀၀ကျပ် (ငါးဆယ်သိန်းနှစ်သောင်းကျပ်)အား ပြန်လည်ပေးအပ်ခြင်းကို တိုင်ကြားသူက လက်ခံကျေနပ်မှုရှိသဖြင့် အမှုပိတ်သိမ်းရန် နှစ်ဦးသဘောတူလက်မှတ်ရေးထိုးပြီး စေ့စပ်ညှိနှိုင်းခြင်း နည်းလမ်းဖြင့် တိုင်ကြားမှုကို ဖြေရှင်းဆောင်ရွက်ခဲ့ကြောင်း သတင်းရရှိပါသည်။
DOCA(ကချင်)