မုန့်ပဲသရေစာများတွင် ပြည်တွင်း၊ ပြည်ပမှထုတ်လုပ်ရောင်းချလျက်ရှိသည့် အသင့်စား မုန့်အမျိုးမျိုးရှိသည့်အနက် အညာဒေသထွက် မြန်မာ့ရိုးရာအစားအစာတစ်ခုဖြစ်သည့် အညာမုန့် ကြက်ဥကြော်သည်လည်း ဈေးကွက်အတွင်း နေရာတစ်ခုရရှိနေကြောင်း သိရှိရသည်။
အညာမု့န်ကြက်ဥကြော်ပြုလုပ်နည်းကို ကောက်ညှင်းဆန်၊ ငချိပ်ဆန်တို့ကိုကြိတ်ပြီး ဆန်မှုန့်နှင့် ရောကာ (၄)နာရီကြာနှပ်ထားပြီး ဆီပူပူတွင် အခွေလေးတွေဖြစ်အောင် အပေါက်ဖောက်ထားသောခွက်နှင့် ခပ်၍ ကြော်ရကြောင်း၊ ကြော်ပြီးသားမုန့်များကို ဆီစစ်ပြီး ထန်းလျက်ရည်ကျို ထားသော ဇလုံထဲသို့ (၁)နာရီကြာမုန့်များကိုစိမ်ထားပြီးပါက အနံ့အရသာနှင့် ပြည့်စုံသော မုန့်ကြက်ဥကြော်မုန့်များရရှိ၍ ဈေးကွက်သို့ရောင်းချရကြောင်၊ မြင်းခြံမြို့နယ် အေးမြသီတာဈေးတွင် ၂၀၂၆ခုနှစ်၊ ဇန်နဝါရီလ၌ ရောင်းချနေသော မုန့်ကြက်ဥ ၂၅ ကျပ်သားလျှင် (၄၀၀၀) ကျပ်၊ တစ်ပိဿာလျှင် (၁၅၅၀၀) ကျပ်ခန့် ပေါက်ဈေးများရှိကြောင်း၊ နေ့စဉ် မုန့်ကြက်ဥ ပိဿာချိန် (၂၀-၂၅) ပိဿာခန့်ရောင်းချရကြောင်း၊ မြန်မာ့ရိုးရာမုန့်ဖြစ်သောကြောင့် ဒေသတွင်း စားသုံးမှုများပြီး တဆင့်ပြန်ရောင်းချသူများလည်း ဖောက်သယ်ပေးရကြောင်း၊ အရောင်းအဝယ်ကောင်းပြီး MSME လုပ်ငန်းဖြစ်သော မြန်မာမုန့်ကြက်ဥရောင်းဝယ်ရေးသည် ရပ်ကွက်ကျေးရွာများအတွင်း ထုတ်လုပ်ရောင်းချကြပြီး ဈေးကွက်၌ မိသားစုစားဝတ်နေရေးအတွက် စီးပွားဖြစ်အဆင်ပြေကြောင်း သိရှိရပါသည်။
DOCA(မန္တလေး)