ပြောင်းဖူးသည် ပြည်ပသို့ အဓိကတင်ပို့သည့်သီးနှံများအနက်တစ်ခုအပါအဝင်ဖြစ်ပြီး မြန်မာနိုင်ငံတွင် လူကြိုက်များသောသီးနှံဖြစ်သည်။ သကြားပြောင်း၊ထောပတ်ပြောင်း၊ အနီရောင်ရှမ်းပြောင်းဟူ၍ယေဘုရ အားဖြင့်ရှိပြီး သကြားပြောင်းမှာ လူကြိုက်များထင်ရှားသည်။ ပြောင်းဖူးကိုနိုင်ငံအတွင်း၌ရာသီမရွေးစိုက်ပျိုးနိုင်ပြီး လက်ရှိအချိန်တွင်မြန်မာနိုင်ငံအလယ်ပိုင်း၊ရှမ်းပြည်နယ်(တောင်ပိုင်းနှင့်မြောက်ပိုင်း)၊ကယားပြည်နယ်၊ ကချင်ပြည်နယ်တို့တွင် အများဆုံးစိုက်ပျိုးကြသည်ကို တွေ့ရှိရသည်။ ပြောင်းဖူးသည် မြန်မာနိုင်ငံ၏အဓိက စိုက်ပျိုးရေးပို့ကုန်များထဲမှ တစ်ခုဖြစ်သည်။ အထူးသဖြင့်တရုတ်နိုင်ငံသို့ တင်ပို့လျက်ရှိပြီး ထိုင်း၊ဗီယက်နမ်စသည့် အိမ်နီးချင်းနိုင်ငံများသို့လည်း တင်ပို့မှုများရှိပါသည်။
ကမ္ဘာတစ်ဝှမ်းတွင် စားသုံးသူများပြားသည့်သီးနှံဖြစ်သည့် ပြောင်းဖူးကို လူတို့စားသုံးရန်အပြင် တိရစ္ဆာန်အစာ၊ဇီဝလောင်စာနှင့် စက်မှုကုန်ကြမ်းများထုတ်လုပ်ရာတွင်လည်း ကျယ်ကျယ်ပြန့်ပြန့် အသုံးပြုလျက်ရှိပါသည်။ မကြာသေးမီနှစ်များအတွင်း ပြောင်းဖူးစိုက်ပျိုးရေး နည်းပညာတိုးတက်လာသည်နှင့်အမျှ အထွက်နှုန်းလည်း တိုးတက်လာခဲ့သည်။ ပြောင်းဖူးစိုက်ပျိုးရေးကဏ္ဍတွင် ရာသီဥတုပြောင်းလဲမှုဒဏ်ခံရခြင်း၊ ပိုးမွှား ရောဂါကျရောက်မှုများ၊ စိုက်ပျိုးစရိတ်မြင့်တက်ခြင်းနှင့် ဈေးကွက်တည်ငြိမ်မှုမရှိခြင်းတို့သည် စိန်ခေါ်မှုများအဖြစ် ရှိနေပါသည်။ သို့သော်လည်းနည်းပညာပံ့ပိုးသူများ၊ သုတေသနပြုလုပ်မှုများ တိုးမြှင့်ခြင်း၊ တောင်သူများအား အသိပညာပေးခြင်းနှင့် ဈေးကွက်ချိတ်ဆက်မှုများပိုမိုအားကောင်းလာခြင်းဖြင့် စိန်ခေါ်မှုများကို ကျော်လွှားကာ အခွင့်အလမ်းများစွာ ရရှိနိုင်ပါသည်။
( DOCA ဧရာဝတီ)