ဆီမီးတောက်ပင်ကို အဆိပ်မြေပင်ဟုခေါ်ကြသည်။အဆိပ်ရှိသည့် အပင်ဖြစ်သည့် အတွက်ကြောင့် အခြားသောအဆိပ်ရှိ အင်းဆက်ပိုးမွှားများအကိုက်ခံရပါက၎င်း အရွက်ကို ခြေ၍တို့ပေးလျှင်ပျောက် သည်ဟုဆိုကြသည်။ဆီမီးတောက်ပင်သည် နွယ်ပင်မျိုးဖြစ်သည်။ အရွက်ချွန်ချွန်လေးများနှင့် ၎င်း၏အပွင့်သည် မီးတောက်၊ မီးစွယ်၊ မီးညွှန့်နှင့် သဏ္ဍန်တူပွင့်ဖတ်(၆)ခုပါရှိပါသည်။ ဆီမီးတောက်ပန်းပွင့်အရောင်မှာ အနီရောင်နှင့် အဝါရောင်ရောနှောနေသည်။ အဖိုပင် အမပင်ဟူ၍ရှိပြီး အမပင်ဥသည် လုံးပြီး အဖိုပင်ဥသည် ရှည်သည်။ မြန်မာနိုင်ငံ သမပိုင်းတွင်ဒေသတွင် သဘာဝအလျှောက် ပေါက်ပင်ဖြစ်သည်။ ဆီမီးတောက်ပင်၏ အရွက်၊ အမြစ်၊ ဥတို့ကို ဆေးဝါးအဖြစ်အသုံးပြုကြသည်။ လေကိုနိုင်သည်။ ဆီးရွှင်စေသည်။ ကိုယ်ဝန်ပျက်စေတက်သည်။ ၎င်းအရွက်ကိုအမှုန့်ပြုလုပ်၍ အနာပေါ်ဖြူးပေးလျှင် အနာတွင်းရှိ ပိုးများသေ၍ အနာပျောက်ကင်းနိုင်ပါသည်။ ဆီမီးတောက်ဥသည် အဖြူရောင်ရှိပြီး ထွန်သွားပုံသဏ္ဍန်ရှိ၍ နူးညံ့ပြီး ခါးသောအရသာရှိ၏။ စပ်၏။ ပူ၏။ ဆီမီးတောက်မြစ်ကို ပြောင်စင်အောင်ဆေးကြော၍ ရေနှင့်ကြိတ်သွေးပြီး ချက်နှင့် ယောနိပေါ်တွင် လိမ်းကျံပေးပါက ကလေးမီးဖွားလွယ်၏။ သားဖွားပြီးနောက် အချင်းမကျလျှင် ကလေး၏ လက်၊ ခြေတို့၌ လိမ်းကျံ ပေးပါက မိခင်အချင်းအမြန်ကျစေသည်ဟု ဆေးပညာဗဟုသုတမှ လေ့လာသိရှိရပါသည်။ ဆီမီးတောက်ပန်းကလေးများပွင့်ချိန်ဆိုလျှင် အလွန်လှပပါသည်။ လှသလောက်အဆိပ်ရှိသည့် ပန်း ဖြစ်၍အဆိပ်ပန်းဟုခေါ်ကြသည်။တောင်တောင်များတွင် အလေ့ကျပေါက်ပြီး တချို့နေအိမ်များ တွင် အဆိပ်ဖြေပင်အဖြစ်စိုက်ပျိုးကြသည်။
DOCA(မန္တလေး)