“ သီဟိုဠ်စေ့စားသုံးရခြင်း၏ကျန်းမာရေးအကျိုးကျေးဇူးများ ”

အစေ့အဆံ အသီးအုပ်စုများထဲတွင် သီဟိုဠ်စေ့သည် ဆိမ့်ဆိမ့်ချိုချိုလေးနှင့် စားကောင်း သည့်အပြင် ကျန်းမာရေးကို အထောက်အကူများစွာပြုသော အစေ့ဖြစ်သည်။ သီဟိုဠ်စေ့တွင် မဂ္ဂနီ ဆီယမ်၊ သံဓာတ်၊ ပိုတက်ဆီယမ်၊ ကယ်လ်ဆီယမ်၊ ကော့ပါး၊ ဇင့်၊ ပရိုတင်း၊ ဗီတာမင် C၊ ဗီတာမင် E၊ ဗီတာမင်K၊ ဗီတာမင် A၊ ဗီတာမင် D၊ Fatty acid ၊ B1၊ B2၊ B3၊ B6 စသည့် အာဟာဓာတ်များစွာ ပါဝင်သောကြောင့် ကျန်းမာရေး အကျိုးကျေးဇူးများစွာ ရှိပါသည်။ သီဟိုဠ်စေ့သည် အဆီမှာပျော်ဝင် လွယ်သော ဗီတာမင် A၊ D၊ K၊ E ပါဝင်သောကြောင့် နှလုံး ရောဂါကာကွယ်ပေးခြင်း၊ မဂ္ဂနီဆီယမ် ပါဝင်သောကြောင့် အရိုးနှင့်ကြွက်သားများ သန်မာခြင်း၊ သွေးဖိအားကို ထိန်းညှိပေးခြင်း၊ ကိုယ်ခံ အားကောင်းစေခြင်း၊ အာရုံကြော အားကောင်းစေခြင်း၊ သွေးတွင်းသကြားဓာတ်ကို မှန်ကန်စေခြင်းကြောင့် ဆီးချို၊ သွေးချိုအန္တရာယ် လျော့နည်း စေခြင်း၊  Anacardic acid၊ carebls၊ cardnols တို့လို ဓာတ်တိုး ဆန့်ကျင်ပစ္စည်းများ ပါဝင်သောကြောင့် အကျိတ်နှင့် ကင်ဆာကုသမှုခံယူနေသူများ အတွက် သက်သာစေခြင်း၊ သံဓာတ်များစွာ ပါဝင်သောကြောင့် သွေးနီဥဆဲလ်ဖြစ်ပေါ်မှုကို အားပေး ခြင်း၊ ကော့ပါးဓာတ် ကြွယ်ဝသောကြောင့် ကော့ပါးဓာတ်ချို့တဲ့သူများအဖြစ်များသော အရိုးပွခြင်း၊ နှလုံးခုန် မမှန်ခြင်း၊ သွေးအားနည်းခြင်း၊ အရေပြားပိုးဝင်ခြင်း စသည့် ရောဂါများ သက်သာစေခြင်း၊ ဇင့်ဓာတ် ပါဝင်သောကြောင့် ဘတ်တီးရီးယားများကို ကာကွယ်ပေးပြီး ကိုယ်ခံအား ကောင်းစေခြင်း၊ ဗီတာမင် C ပါဝင်သောကြောင့် ကော်လဂျင်ထွက်ရှိအောင် လှုံ့ဆော် ပေးမှုကြောင့် အသားအရေကို တင်းရင်းစေပြီး အရွယ်မတိုင်မီ အိုမင်းရင့်ရော်မှုမဖြစ်အောင် အထောက်အကူပြုခြင်း၊ Fatty acid ပါဝင်မှုကြောင့် ခန္ဓာကိုယ်နာကျင်ရောင်ရမ်းမှုကို သက်သာစေခြင်း စသည့်ရောဂါလက္ခဏာများကို သက်သာစေနိုင်ပါသည်။ ထို့ကြောင့် သီဟိုဠ်စေ့သည် ကျန်းမာရေးအတွက် အကျိုးကျေးဇူးများစွာ အထောက်အကူပြု သောနိုင်သောကြောင့် လူတို့စားသုံးရန် အထူးသင့်လျော်သော အစေ့တစ်မျိုး ဖြစ်ပါသည်။

DOCA(ရန်ကုန်)