အိမ်သုံးလျှပ်စစ်ပစ္စည်း ဝယ်ယူခြင်းနှင့်ပတ်သက်၍ တိုင်ကြားလာမှုအပေါ်  ဖြေရှင်းဆောင်ရွက်ထားမှု အခြေအနေ

Powered by Drupal

             ရန်ကုန်တိုင်းဒေသကြီး၊ ကမာရွတ်မြို့နယ်နေ တိုင်ကြားသူသည် “ * * * ” အီလက်ထရွန်းနစ် အရောင်းဆိုင်မှ ၈-၃-၂၀၂၂ ရက်နေ့တွင် 1000W ရှိသည့် Inverter အား (၂)သိန်းကျပ်ဖြင့် ဝယ်ယူခဲ့ပြီးနောက် ၁၀-၃-၂၀၂၂ ရက်နေ့တွင် ပျက်စီးသွားပါသဖြင့် ဆိုင်သို့ပြန်လည် ပြသရာ တွင် တာဝန်ယူပေးမှုမရှိသည့်အတွက် အရေးယူပေးပါရန် စားသုံးသူရေးရာဦးစီးဌာနသို့  Email ဖြင့် တိုင်ကြားလာမှုအပေါ် ၄-၅-၂၀၂၂ ရက်နေ့တွင် တိုင်ကြားသူနှင့် တိုင်ကြားခံရသူ တို့အား တိုင်းဒေသကြီးဦးစီးမှူးရုံးသို့ခေါ်ယူ၍ စေ့စပ်ညှိနှိုင်းမှုဆောင်ရွက်ရာတွင်  “ * * * ”  အီလက်ထရွန်းနစ်မှ တာဝန်ရှိသူက ယခုဖြစ်စဉ်အတွက် တာဝန်ယူ ဆောင်ရွက်ပေးမည် ဖြစ်ပါကြောင်းနှင့် တိုင်ကြားသူစိတ်တိုင်းကျ ဆောင်ရွက်ပေးသွားပါမည်ဟု ဆွေးနွေးတင်ပြ သောကြောင့် တိုင်ကြားသူမှ Inverter စက်ဖိုးငွေ (၂)သိန်းကျပ်အား ပြန်လည်တောင်းခံသည့် အတွက် တိုင်းဒေသကြီးဦးစီးမှူးရုံးရှိ သက်ဆိုင်ရာအရာရှိများ ရှေ့မှောက်တွင် စက်ဖိုး‌ငွေ (၂) သိန်းကျပ်အား ပြန်လည်ပေးအပ်ခဲ့ပြီး တိုင်ကြားသူမှလည်း ကျေနပ်မှုရှိပါသောကြောင့် တိုင်ကြားမှုအား ပိတ်သိမ်းဆောင်ရွက်ခဲ့ပါသည်။