Elon Musk သည် ယခင်က Twitter ဟုခေါ်သော ၎င်း၏ဆိုရှယ်မီဒီယာပလပ်ဖောင်း X တွင် အိန္ဒိယဝန်ကြီးချုပ် နာရန်ဒရာမိုဒီနှင့်တွေ့ဆုံရန် အိန္ဒိယသို့ သွားရောက်မည်ဖြစ်ကြောင်းကြေညာခဲ့သည်။ Elon Musk သည် မကြာမီတွင် အိန္ဒိယနိုင်ငံအတွင်း၌ အဓိကရင်းနှီးမြုပ်နှံမှုအစီအစဥ်များကိုလည်း စတင်သွားမည်ဟုကြေညာဖွယ်ရှိသည်။
ပြီးခဲ့သောလတွင် အိန္ဒိယသည် ဒေါ်လာသန်း၅၀၀ (ပေါင်၃၉၉သန်း) ရင်းနှီးမြုပ်နှံခဲ့ပြီး သုံးနှစ်အတွင်း ပြည်တွင်းထုတ်လုပ်မှုကိုစတင်ရန် ကတိပြုသည်။ တစ်ကမ္ဘာလုံးဆိုင်ရာ ကားထုတ်လုပ်သူများအတွက် လျှပ်စစ်ကားများ (EV) တင်သွင်းခွန်ကိုဖြတ်တောက်ခဲ့သည်။
ထိုတွေ့ဆုံမှုကို ဧပြီလ နောက်ဆုံးပတ်တွင်ပြုလုပ်ရန် စီစဥ်ထားပြီး နယူးဒေလီရှိ မစ္စတာနာရန်ဒရာမိုဒီ၏ တရားဝင်နေအိမ်တွင် ကျင်းပမည်ဖြစ်ကြောင်း အိန္ဒိယအကြီးတန်းအစိုးရအရာရှိတစ်ဦးက BBC သို့ပြောကြားခဲ့သည်။ မစ္စတာ Elon Musk ၏ခရီးစဥ်သည် အိန္ဒိယနိုင်ငံ၏ မာရသွန်ပြိုင်ပွဲနှင့် ခြောက်ပတ်ကြာရွေးကောက်ပွဲများစတင်ကျင်းပချိန်၌ ရောက်ရှိလာခြင်းဖြစ်သည်။ ရွေးကောက်ပွဲကာလအတွင်း Telsa ရင်းနှီးမြုပ်နှံမှုကြေညာချက်သည် အိန္ဒိယနိုင်ငံတွင် ကုန်ထုတ်လုပ်မှုလုပ်ငန်းများထူထောင်ရန်နှင့် အလုပ်အကိုင်အခွင့်အလမ်းများဖန်တီးပေးရန် နိုင်ငံခြားကုမ္ပဏီများကိုခေါ်ယူခဲ့သော မစ္စတာမိုဒီ၏ စီးပွားရေးနှင့် လိုက်ဖက်သော အထောက်အထားများကို အားကောင်းလာစေမည်ဖြစ်သည်။ Telsa သည် အမေရိကန်နှင့် တရုတ်တွင် ရောင်းချမှုများအားနည်းလာခြင်းကြောင့် အိန္ဒိယသို့ ရင်းနှီးမြုပ်နှံမှုများပြုလုပ်ရန် စီစဥ်ခဲ့ကြခြင်းဖြစ်သည်။ ၎င်း၏ ဥရောပစက်ရုံတွင် မီးလောင်မှု၊ ကမ္ဘာလုံးဆိုင်ရာ ပို့ဆောင်မှုများပြတ်တောက်မှုနှင့် ပြိုင်ဆိုင်မှုပြင်းထန်လာခြင်းတို့ကြောင့် ယခုနှစ် ပထမသုံးလအတွင်း ပို့ဆောင်မှုများသိသိသာသာကျဆင်းသွားခဲ့သည်။
Telsa သည် BYD ကဲ့သို့သော ပြိုင်ဘက်များထံမှ ပြိုင်ဆိုင်မှုတိုးလာခြင်းကြောင့် စျေးနှုန်းများအကြိမ်ကြိမ်လျှော့ချခဲ့သော်လည်း တရုတ်ကဲ့သို့သော အဓိကစျေးကွက်များတွင် ဝယ်လိုအားကျဆင်းသွားခဲ့သည်။ Telsa ၏ ရှယ်ယာများသည် ယခုနှစ်အစတည်းက ၎င်းတို့၏တန်ဖိုး သုံးပုံတစ်ပုံနီးပါးဆုံးရှုံးသွားခဲ့သည်။ အိန္ဒိယနိုင်ငံသည် ၂၀၂၂ခုနှစ်တွင် ဗြိတိန်ကိုကျော်တက်ကာ ကမ္ဘာ့ပဉ္စမမြောက် အကြီးဆုံးစီးပွားရေးနိုင်ငံဖြစ်လာခဲ့ပြီး ဒီဇင်ဘာလ သုံးလပတ်တွင် ကုန်ထုတ်လုပ်မှုကဏ္ဍ၌ ၈.၄%အထိတိုးတက်လာခဲ့ကြောင်းသိရှိရပါသည်။
DOCA(ရန်ကုန်)