Main menu

Common News

Powered by Drupal

ဧရာဝတီတိုင်းဒေသကြီး၊ စားသုံးသူရေးရာ ကော်မတီ ဒုတိယအကြိမ် ၂/၂၀၂၀ အစည်းအဝေးကျင်းပခြင်း

ပုသိမ်မြို့၊ စားသုံးသူရေးရာဦးစီးဌာန၊ တိုင်းဦးစီးမှူးရုံးတွင် ဧရာတီတိုင်းဒေသကြီး၊ စားသုံးသူရေးရာကော်မတီ၏ ဒုတိယအကြိမ် ၂/၂၀၂၀ အစည်းအဝေးကို ၃.၃.၂၀၂၀ ရက်နေ့ မွန်းလွဲ ၁၃:၀၀ နာရီတွင် ကျင်းပပြုလုပ်ရာ ဧရာဝတီတိုင်းဒေသကြီး အစိုးရအဖွဲ့ စီမံကိန်းနှင့် ဘဏ္ဍာရေးဝန်ကြီးဌာနဝန်ကြီး တိုင်းဒေသကြီးစားသုံးသူရေးရာကော်မတီဥက္ကဌ ဦးဌေးဝင်း၊ ဒုက္ကဌ ဦးဝင်းမြင့်၊ တိုင်းဦးစီးမှူး အတွင်းရေးမှူး ဦးစိုးအောင် စားသုံးသူရေးရာကော်မတီဝင်များ၊ ဒုတိုင်းဦးစီးမှူး၊ ဌာနခွဲမှူးများ စုစုပေါင်း (၂၀) ဦးတက်ရောက်ခဲ့ပါသည်။

          အဆိုပါအစည်းအဝေးတွင် ဧရာဝတီတိုင်းဒေသကြီး၊ စားသုံးသူရေးရာကော်မတီ ဥက္ကဌ ဦးဌေးဝင်းက မြန်မာနိုင်ငံ စားသုံးသူကာကွယ်ရေးကော်မရှင်မှ ချမှတ်ထားသော မူဝါဒ၊ လမ်းညွှန်ချက်များကို လိုက်နာအကောင်အထည်ဖော်၍ ကုန်ပစ္စည်းအမျိုးအစားအလိုက်  ကုန်အညွှန်းအမှတ်အသားနှင့် ပတ်သက်၍ လိုက်နာဆောင် ရွွက်ခြင်းရှိ/ မရှိ စစ်ဆေးခြင်း၊ စားသုံးသူနှင့်လုပ်ငန်းရှင်များကို ပညာပေးခြင်း၊ တိုင်ကြားမှုနှင့် ဈေးကွက် စစ်ဆေးခြင်းများမှ ဥပဒေပြဌာန်းချက် ဖောက်ဖျက်ကျူးလွန်ခြင်း စိစစ်တွေ့ရှိပါက တိုင်းဦးစီး မှူးမှ အရေးယူခြင်း၊ ကော်မတီမှ အရေးယူခြင်းအပြင် လိုအပ်ပါက ကော်မရှင် သို့တင်ပြ၍ အရေးယူဆောင်ရွက် သွားရမှာဖြစ်ကြောင်း၊ စားသုံးသူကာကွယ်ရေး ဥပဒေအသစ်အရ ပစ္စည်း အမျိုးအစားအလိုက် ကုန်အညွှန်းအမှတ်အသားများနှင့်ပတ်သက်၍ (၂၈.၂.၂၀၂၀) ရက်နေ့အထိ ခရိုင်/မြို့နယ် ဒေသ ထွက်ကုန်များအပေါ် ကုန်အညွှန်းအမှတ်အသား ဆောင်ရွက်ပြီးစီးမှု အခြေအနေမှာ ကုန်အမှတ် တံဆိပ် (၄၂၉) ခု ခွင့်ပြုချက်ကျပြီး (၁၄၉) ခုမှာ စိစစ် ဆောင်ရွက်ထားသည်ကို သိရှိခဲ့ရကြောင်း၊ ကုန်အညွှန်းအမှတ် အသားများကို မြန်မာဘာသာ ဖြင့်ဖော်ပြပေးခြင်းဖြင့် စားသုံးသူပြည်သူများ မှ ဖတ်ရှုနားလည်၍ ဝယ်ယူသုံးစွဲခြင်းဖြင့် ဘေးအန္တရာယ်ကင်းရှင်းရေးကို အပြည့်အဝ ခံစားခွင့် ရမှာဖြစ်ကြောင်း၊ စားသုံးသူအခွင့်အရေးများကို ပြည်သူအားလုံးသိရှိစေရန် အသိပညာပေး မှုများကို စဉ်ဆက်မပြတ်ဆောင်ရွက်ဖို့ ကော်မတီအဖွဲ့ဝင်များကို တိုက်တွန်းအပ်ပါကြောင်း ၊ စားသုံးသူကာကွယ်ရေးလုပ်ငန်းသည် နိုင်ငံသားအားလုံးနဲ့ သက်ဆိုင်ခြင်းဖြစ်လို့ အမျိုးသားရေး တာဝန်တစ်ရပ်အနေဖြင့် ပူးပေါင်း ဆောင်ရွက်မည်ဆိုပါက စားသုံးသူကာကွယ်ရေး လုပ်ငန်းများ သည် အောင်မြင်သော လုပ်ငန်းစဉ်ကြီးတစ်ရပ် ဖြစ်လာမည်ဖြစ်ပါကြောင်း အဖွင့်အမှာစကား ပြောကြားခဲ့ပါသည်။

          တိုင်းဒေသကြီးဦးစီးမှူး အတွင်းရေးမှူး ဦးစိုးအောင်က အမှာစာ (၅) စောင် နှင့် ပတ်သက်၍ အသေးစိတ် ရှင်းလင်းပြောကြားခဲ့ပြီး အစည်းအဝေးတက်ရောက်သူများမှ အမှာစာတင်ပြဆောင်ရွက်မှုနှင့် ပတ်သက်၍ နေရာစဉ်အလိုက် တင်ပြဆွေးနွေးခဲ့ရာ တာဝန်ရှိ သူများမှ ဖြည့်စွက်ဆွေးနွေး၍ ဥက္ကဌ မှ နိဂုံးချုပ်အမှာစကားပြောကြားပြီး အစည်းအဝေးကို နေ့လည် (၁၄:၀၀) နာရီတွင် ရုပ်သိမ်းခဲ့ပါသည်။

 

ဧရာဝတီတိုင်းဒေသကြီး

စားသုံးသူရေးရာဦးစီးဌာန

တောင်ကြီးမြို့ပေါ်ရှိ ကလေးအသုံးအဆာင်ပစ္စည်းနှင့်ကစားစရာဆိုင်များအား စျေးကွက်ထောက်လှမ်းစစ်ဆေး

        ၆.၃.၂ဝ၂ဝ ရက်နေ့တွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရှမ်းပြည်နယ် ဦးစီးမှူးရုံးမှ တာဝန်ရှိသူများသည် တောင်ကြီးမြို့ပေါ်ရှိကလေးအသုံးအဆာင်ပစ္စည်းနှင့်ကစားစရာအရောင်းဆိုင်များသို့ သွားရောက်၍ စျေးကွက်ထောက်လှမ်းခဲ့ရာ အချို့သော ကလေးအသုံးအဆာင်ပစ္စည်းများနှင့် ကစားစရာများ တွင် သုံးစွဲပုံနည်းလမ်းများ၊ သတိပေးချက်များ၊ အသက်အပိုင်းအခြား အလိုက်ကန့်သတ် တားမြစ်ချက်များ (သုံးနှစ်အောက်ကလေးများဆော့ကစားရန်မသင့်စသဖြင့်) ၊ ထားသိုသိမ်းဆည်းပုံ နည်းလမ်းများနှင့် ဓါတ်မတည့်ကြောင်းဖော်ပြချက်များကို မြန်မာဘာသာဖြင့် ပြည့်စုံစွာ ဖော်ပြထားသော်လည်း အချို့မှာဖော်ပြထားမှုမရှိသေးကြောင်း စစ်ဆေးတွေ့ရှိရသဖြင့် ၂ဝ၁၉ခုနှစ်၊ စားသုံးသူကာကွယ်ရေး ဥပဒေပါကုန်အညွှန်းအမှတ်အသားဖော်ပြမှုဆိုင်ရာ အချက်အလက်များ အကြောင်းကို လုပ်ငန်းရှင်များသိရှိစေရန်အသိပညာများပေးခြင်းနှင့် လက်ကမ်းစာစောင်များ မှျဝေပေးခြင်းများကို ဆောင်ရွက်ခဲ့ကြကြောင်း သတင်းရရှိပါသည်။

ရှမ်းပြည်နယ်(တောင်ကြီး)

စားသုံးသူရေးရာဦးစီးဌာန

အမျိုးသားပို့ကုန်မဟာဗျူဟာ ၂၀၂၀-၂၀၂၅ Regional Consultation ကို တနင်္သာရီတိုင်းဒေသကြီး၊ ထားဝယ်မြို့နှင့် မြိတ်မြို့တို့တွင်ကျင်းပပြုလုပ်

        တနင်္သာရီတိုင်းဒေသကြီးမှ ဒေသခံစီးပွားရေးလုပ်ငန်းများ၏ ပို့ကုန်ဆောင်ရွက်ချက်ကို တိုးမြှင့်ရန်အတွက် မဟာဗျူဟာကျအခွင့်အရေးများကို အတည်ပြုအကောင်အထည်ဖော်ရန်အတွက် အမျိုးသားပို့ကုန်မဟာဗျူဟာ(NES) ၂၀၂၀-၂၀၁၅ ဆွေးနွေးညှိနှိုင်းပွဲများကို(၁၀-၃-၂၀၂၀)ရက်နေ့၌ မြိတ်မြို့၊ မြင့်မိုရ်ဟိုတယ်တွင်လည်းကောင်း၊ (၁၁-၃-၂၀၂၀)ရက်နေ့၌ ထားဝယ်မြို့ Diamond Crown Hotel တွင်လည်းကောင်း ကျင်းပခဲ့ပါသည်။ ဆွေးနွေးညှိနှိုင်းပွဲသို့ တနင်္သာရီတိုင်းဒေသကြီး အစိုးရအဖွဲ့၊ စီမံကိန်းနှင့် ဘဏ္ဍာရေးဝန်ကြီး ဒေါ်ရီရီချို၊ စီးပွားရေးနှင့်ကူးသန်းရောင်းဝယ်ရေးဝန်ကြီး ဌာန အမြဲတမ်းအတွင်းဝန် ဦးအောင်စိုး၊ ဒေသခံမြန်မာ့ကုန်သွယ်မှုမြှင့်တင်ရေးအဖွဲ့၊ ပညာရေး ရပ်ဝန်နှင့် တနင်္သာရီတိုင်းဒေသကြီးကုန်သည်ကြီးများအသင်းမှ ကိုယ်စားလှယ်များ၊ သက်ဆိုင်ရာ အစိုးရဌာနများနှင့် ပုဂ္ဂလိကကဏ္ဍမှ အကျိုးတူပူးပေါင်းဆောင်ရွက်သူများ တက်ရောက်ခဲ့ပါသည်။

          အဆိုပါညှိနှိုင်းဆွေးနွေးပွဲတွင် တနင်္သာရီတိုင်းဒေသကြီးအစိုးရအဖွဲ့၊ စီမံကိန်းနှင့် ဘဏ္ဍာရေး ဝန်ကြီး ဒေါ်ရီရီချို က ဆွေးနွေးပြောကြားရာတွင် တနင်္သာရီတိုင်းသည် စိုက်ပျိုးရေး၊ ရေထွက် လုပ်ငန်း၊ ခရီးသွားလုပ်ငန်း၊ ပုလဲမွေးမြူရေးလုပ်ငန်း၊ ငှက်သိုက်ထုတ်လုပ်ခြင်းလုပ်ငန်းများနှင့် သစ်သီးဝလံကဲ့သို့ အဓိကကျသည့် မြန်မာ့ပို့ကုန်များကို ထုတ်လုပ်မှီခိုနေရသောဒေသဖြစ်ပါကြောင်း၊ အချက်အချာကြသော တိုင်းဒေသကြီးဖြစ်သောကြောင့် အမျိုးသားပို့ကုန်မဟာဗျူဟာ(NSE)၂၀၂၀-၂၀၂၅ ကဏ္ဍအလိုက် မဟာဗျူဟာများကိုရေးဆွဲရာတွင် အထောက်အကူဖြစ်စေနိုင်ရန်အတွက် လာရောက်တွေ့ဆုံဆွေးနွေးခြင်းဖြစ်ပါကြောင်း၊ နိုင်ငံတိုးတက်ရန်အတွက် အစိုးရကပဲဆောင်ရွက် လို့မရပါကြောင်း၊ စီးပွားရေးလုပ်ငန်းရှင်များ၏အင်အားလည်းအရေးကြီးပါကြောင်း၊ အစည်းအဝေး တက်ရောက်လာကြသော သက်ဆိုင်ရာကဏ္ဍအလိုက်ကျွမ်းကျင်သူများ၏ အကြံဉာဏ်၊ ပညာရပ်ပိုင်း ဆိုင်ရာလမ်းညွှန်မှုများကို ​ ပေါင်းစပ်ပြီးဆောင်ရွက်သွားပါက တနင်္သာရီတိုင်းဒေသကြီး၏ ထုတ်လုပ် မှုနှင့် ပို့ကုန်ကဏ္ဍများ ပိုမိုဖွံ့ဖြိုးတိုးတက်လာနိုင်ပြီး ဒေသ၏ စီးပွားရေးကို အထောက်အကူပြုနိုင် မည့်အပြင် မြန်မာနိုင်ငံ၏ စီးပွားရေးဖွံ့ဖြိုးတိုးတက်မှုကိုလည်း ကောင်းစွာအထောက်အကူပြုနိုင် မည်ဟုယုံကြည်ကြောင်း ပြောကြားခဲ့ပါသည်။

         စီးပွားရေးနှင့်ကူးသန်းရောင်းဝယ်ရေးဝန်ကြီးဌာန အမြဲတမ်းအတွင်းဝန် ဦးအောင်စိုး က ပြောကြားရာတွင် မြန်မာကုန်သွယ်မှုမြှင့်တင်ရေးအဖွဲ့သည် ပို့ကုန်မြှင့်တင်ရေးလုပ်ငန်းတာဝန်များ အပြင် ပုဂ္ဂလိကကဏ္ဍဖွံ့ဖြိုးတိုးတက်ရေး၊ အထူးစီးပွားရေးဇုန်များဖွံ့ဖြိုးတိုးတက်ရေး၊ မြန်မာနိုင်ငံ တွင် စီးပွားရေးလုပ်ငန်းလုပ်ကိုင်ရန်လွယ်ကူရေး (Ease  of  Dawei  Business)လုပ်ငန်းများကို တာဝန်ယူဆောင်ရွက်လျက်ရှိပါကြောင်း၊ မြန်မာနိုင်ငံမှာ ကုန်သွယ်မှုမြှင့်တင်ဖို့ သယံဇာတနှင့် အခွင့် အလမ်းများစွာရှိသော်လည်း အခြားနိုင်ငံများနှင့် နှိုင်းယှဉ်ပါက ကုန်သွယ်မှုပမာဏများစွာနိမ့်ကျ နေသည့်အတွက်  မဟာဗျူဟာစီမံချက်များ စနစ်တကျရေးဆွဲချမှတ်ဆောင်ရွက်ရန် အထူးလိုအပ် လျက်ရှိပါကြောင်း၊ ဒီလိုအပ်ချက်တွေဖြည့်ဆည်းပေးနိုင်ဖို့အတွက် စီးပွားရေးနှင့် ကူးသန်းရောင်း ဝယ်ရေးဝန်ကြီးဌာနအနေဖြင့် မြန်မာ့ပို့ကုန်များဖွံ့ဖြိုးတိုးတက်ပြီး နိုင်ငံတကာစျေးကွက်မှာ ယှဉ်ပြိုင် ဝင်ရောက်နိုင်ရေးအတွက် အမျိုးသားအဆင့် ပို့ကုန်မဟာဗျူဟာကို အပြည်ပြည်ဆိုင်ရာကုန်သွယ်မှု ဗဟိုဌာနနဲ့ နည်းပညာအကူအညီရယူ၍ ၂၀၁၃ ခုနှစ်မှာ စတင်ရေးဆွဲခဲ့ပြီး ၂၀၁၅ ခုနှစ်မှာအကောင် အထည်ဖော်ခဲ့ပါကြောင်း၊ ၂၀၁၅-၂၀၁၉ မှာ အဓိကဦးစားပေးကဏ္ဍကြီး(၁၁)ရပ်ရွေးချယ်အကောင် အထည်ဖော်ခဲ့ပြီး လုပ်ငန်းရှင်များတောင်းဆိုချက်အရ ကဏ္ဍအသစ်(၅)ရပ်ကိုလည်း ထပ်မံထည့် သွင်းဆောင်ရွက်ခဲ့ပါကြောင်း၊ ၂၀၂၀ မှ ၂၀၂၅ ထိ (၅)နှစ်အတွက် ဦးစားပေးဆောင်ရွက်မည့် ကဏ္ဍကြီး(၁၈)ရပ်အကောင်အထည်ဖော်ဆောင်ရွက်သွားမှာဖြစ်ပါကြောင်း၊ မဟာဗျူဟာများရေးဆွဲ ရာမှာအထောက်အကူပြုနိုင်ရန် သက်ဆိုင်ရာတိုင်းဒေသကြီးနှင့် ပြည်နယ်များအလိုက် ထည့်သွင်း ပါဝင်သင့်တဲ့အချက်အလက်များကို ညှိနှိုင်းဖို့လိုအပ်ပါကြောင်း ဆွေနွေးပြောကြားခဲ့ပါသည်။

          ရေထွက်လုပ်ငန်းကဏ္ဍ၊ သစ်သီးဝလံနှင့် ဟင်းသီးဟင်းရွက်ကဏ္ဍ၊ စားသောက်ကုန်ထုတ်လုပ် ခြင်းကဏ္ဍ၊ ရာဘာကဏ္ဍ၊ ခရီးသွားကဏ္ဍ၊ ကျောက်မျက်နှင့် လက်ဝတ်ရတနာကဏ္ဍတို့ကို ညှိနှိုင်း ဆွေးနွေးပွဲတက်ရောက်လာသူများက အဓိကထားဆွေးနွေးခဲ့ကြောင်း သတင်းရရှိပါသည်။

တနင်္သာရီတိုင်းဒေသကြီး

စားသုံးသူရေးရာဦးစီးဌာန

စားသုံးသူကာကွယ်ရေးဥပဒေအရ ကုန်အညွှန်းအမှတ်အသား (Labelling) ဖော်ပြခြင်းနှင့်ပတ်သက်၍ ရှင်းလင်းဆွေးနွေးခြင်း

       စားသုံးသူရေးရာဦးစီးဌာနမှ ညွှန်ကြားရေးမှူး ဦးရဲထွဋ်နိုင်နှင့်အဖွဲ့သည် ၂၀၂၀ ပြည့်နှစ် ဖေဖော်ဝါရီလ (၂၈) ရက်နေ့တွင် ဧရာဝတီတိုင်းဒေသကြီးဦးစီးမှူးရုံး၌လည်းကောင်း၊ မတ်လ (၂) ရက်နေ့ရက်နေ့တွင် မွန်ပြည်နယ်ဦးစီးမှူးရုံး၌လည်းကောင်း၊ မတ်လ (၃) ရက်နေ့တွင် ကရင်ပြည်နယ်ဦးစီးမှူးရုံး၌လည်းကောင်း၊ မတ်လ (၅) ရက်နေ့တွင် ပဲခူးတိုင်းဒေသကြီးဦးစီးမှူးရုံး၌လည်းကောင်း စားသုံးသူကာကွယ်ရေးဥပဒေအရ ကုန်အညွှန်းအမှတ်အသား(Labelling) ဖော်ပြခြင်းနှင့်ပတ်သက်၍ ဒေသခံစီးပွားရေးလုပ်ငန်းရှင်များကို အသေးစိတ်ရှင်းလင်းဆွေးနွေးခြင်း၊ မေးမြန်းမှုများအပေါ် ရှင်းလင်းဖြေကြားခြင်းများ ပြုလုပ်ခဲ့ပါသည်။

အဆိုပါဆွေးနွေးပွဲတွင် ညွှန်ကြားရေးမှူး ဦးရဲထွဋ်နိုင်က ဧရာဝတီတိုင်းဒေသကြီးရှိ စားသုံးသူရေးရာဦးစီးဌာနမှ စစ်ဆေးရေးအရာရှိများကိုလည်းကောင်း၊ မွန်ပြည်နယ်နှင့် တနင်္သာရီတိုင်းဒေသကြီးရှိ စားသုံးသူရေးရာဦးစီးဌာနမှ စစ်ဆေးရေးအရာရှိများကိုလည်းကောင်း၊ ကရင်ပြည်နယ်ရှိ စားသုံးသူရေးရာဦးစီးဌာနမှ စစ်ဆေးရေးအရာရှိများကိုလည်းကောင်း၊ ပဲခူးတိုင်းဒေသကြီး စားသုံးသူရေးရာဦးစီးဌာနမှ စစ်ဆေးရေးအရာရှိတို့အား ရှေ့ဆက်ဆောင်ရွက်သွားမည့် လုပ်ငန်းစဉ်များကို ရှင်းလင်းပြောကြားခဲ့ပြီး၊ စားသုံးသူရေးရာဦးစီးဌာနမှ လက်ထောက်ညွှန်ကြားရေးမှူး ဦးထက်ဝင်းအောင်က စားသုံးသူကာကွယ်ရေးနည်းဥပဒေ(မူကြမ်း)နှင့်ပတ်သက်၍ သိသင့်သိထိုက်သော အချက်များကိုလည်းကောင်း၊ ဦးစီးအရာရှိ ဒေါ်ကေဇင်ယုက ကုန်စည်နှင့် ဝန်ဆောင်မှုဆိုင်ရာ စစ်ဆေးရေးလုပ်ငန်းများနှင့်ပတ်သက်၍ သိသင့်သိထိုက်သော အချက်များကိုလည်းကောင်း ရှင်းလင်းဆွေးနွေးခဲ့ကြပါသည်။

ရန်ကုန်တိုင်းဒေသကြီးဦးစီးမှူးရုံးတွင် စားသုံးသူရေးရာဦးစီးဌာနမှ စစ်ဆေးရေးအရာရှိများကို ရှေ့ဆက်ဆောင်ရွက်သွားမည့် လုပ်ငန်းစဉ်များနှင့် ကုန်အညွှန်းအမှတ်အသား(Labelling) ဖော်ပြခြင်းဆိုင်ရာ ရှင်းလင်းဆွေးနွေးခြင်း

        ၂၀၂၀ ခုနှစ်၊ ဖေဖော်ဝါရီလ (၂၆) ရက်နေ့တွင် စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံး၌ ညွှန်ကြားရေးမှူး ဦးရဲထွဋ်နိုင်က တိုင်းဒေသကြီးအတွင်းရှိ စားသုံးသူရေးရာဦးစီးဌာနမှ စစ်ဆေးရေးအရာရှိများကို ရှေ့ဆက်ဆောင်ရွက်သွားမည့် လုပ်ငန်းစဉ်များနှင့်ပတ်သက်၍လည်းကောင်း၊ စားသုံးသူကာကွယ်ရေးဥပဒေအရ ကုန်အညွှန်းအမှတ်အသား(Labelling) ဖော်ပြခြင်းနှင့်ပတ်သက်၍ လည်းကောင်း ရှင်းလင်းပြောကြားခဲ့ပါသည်။
          ဆက်လက်၍ စားသုံးသူရေးရာဦးစီးဌာနမှ လက်ထောက်ညွှန်ကြားရေးမှူး ဦးထက်ဝင်းအောင်က စားသုံးသူကာကွယ်ရေးနည်းဥပဒေ(မူကြမ်း)နှင့်ပတ်သက်၍ သိသင့်သိထိုက်သောအချက်များကိုလည်းကောင်း၊ ဦးစီးအရာရှိ ဒေါ်ကေဇင်ယုက ကုန်စည်နှင့် ဝန်ဆောင်မှုဆိုင်ရာ စစ်ဆေးရေးလုပ်ငန်းများနှင့်ပတ်သက်၍ သိသင့်သိထိုက်သော အချက်များကိုလည်းကောင်း ရှင်းလင်းဆွေးနွေးခဲ့ကြပါသည်။

“ စားသုံးသူအကာအကွယ်ပေးရေးဥပဒေအရ ကုန်အညွှန်းအမှတ်အသား ဖော်ပြခြင်းအား အသိပေးဆွေးနွေးဟောပြောပွဲကျင်းပ ”

        ပြည်ထောင်စုသမ္မတ မြန်မာနိုင်ငံကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ် (UMFCCI)မှ ဦးဆောင်ပြီး ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ စီးပွားရေးလုပ်ငန်းရှင်များနှင့် ပြည်သူများ သတိပြုမိစေရန် ကျယ်ကျယ်ပြန့်ပြန့် သိရှိစေရန် အတွက် (၁၂.၃.၂၀၂၀) ရက်နေ့၊ နံနက်(၁၀:၀၀)နာရီအချိန်တွင် UMFCCI ခန်းမ၌ ဟောပြော ဆွေးနွေးပွဲကျင်းပခဲ့ရာ စားသုံးသူရေးရာဦးစီးဌာနမှ ဒုတိယညွှန်ကြားရေးမှူးချုပ် ဦးမြင့်ချို၊ ရန်ကုန်တိုင်းဒေသကြီးဦးစီးမှူး ဦးကျော်ကျော်လွင်၊ ဒုတိယညွှန်ကြားရေးမှူး ဦးမင်းသိန်းနှင့် တာဝန်ရှိသူများ၊ အသင်းအဖွဲ့များမှ တာဝန်ရှိသူများ၊ စီးပွားရေးလုပ်ငန်းရှင်များ၊ သတင်းမီဒီယာ များ စုစုပေါင်း (၂၀၀)ဦးခန့် တက်ရောက်ခဲ့သည်။

      အဆိုပါ ဟောပြောပွဲ၌ စားသုံးသူရေးရာဦးစီးဌာနမှ ဒုတိယညွှန်ကြားရေးမှူးချုပ် ဦးမြင့်ချိုမှ အဖွင့်အမှာစကားပြောကြားရာတွင် စားသုံးသူကာကွယ်ရေးဥပဒေအသစ်အရ ကုန်ညွှန်းအမှတ်အသားဖော်ပြခြင်းမှာ မတ်လ (၁၅)ရက် နောက်ပိုင်းမှစတင်၍ အသက်ဝင်မှာ ဖြစ်ကြောင်း၊ အရေးယူဆောင်ရွက်မှာ ဖြစ်ကြောင်းနှင့် အခြားသိကောင်းစရာများအား ရှင်းလင်း ပြောကြားပေးခဲ့ပြီး လက်ထောက်ညွှန်ကြားရေးမှူး ဦးထက်ဝင်းအောင်မှလည်း စားသုံးသူ ကာကွယ်ရေးဥပဒေ အခန်း(၁၈)ပါ ကုန်ညွှန်းအမှတ်အသား ဖော်ပြခြင်းသည် ၂၀၂၀ ပြည့်နှစ် မတ်လ(၁၅)ရက် နောက်ပိုင်းမှစတင် အရေးယူဆောင်ရွက်မှာဖြစ်ကြောင်း၊ စီးပွားရေးလုပ်ငန်းရှင် များအနေဖြင့် ကုန်ညွှန်းအမှတ်အသား ဖော်ပြရာတွင် ကုန်စည်အမျိုးအစားအလိုက် သတ်မှတ်ချက်များအတိုင်း သိသာထင်ရှားစွာ ဖော်ပြရာတွင် ကုန်စည်အမျိုးအစားအလိုက် သတ်မှတ်ချက်များအတိုင်း သိသာထင်ရှားစွာ ဖော်ပြရမည်ဖြစ်ကြောင်း၊ မည့်သည့်စီးပွားရေး လုပ်ငန်းရှင်မဆို ပုဒ်မ(၄၁) အပိုဒ်ခွဲ (ခ) နှင့် (ဆ)တို့ပါ ကုန်ညွှန်းအမှတ်အသားဖော်ပြရာတွင် မြန်မာဘာသာဖြင့် ဖြစ်စေ၊ မြန်မာဘာသာနှင့် အခြားဘာသာတစ်ခု (သို့) တစ်ခုထက် ပို၍ တွဲလျက်ဖြစ်စေ ရေးသားဖော်ပြရာမှာ ဖြစ်ပြီး လိုက်နာခြင်းမရှိပါက ဥပဒေပါအတိုင်း အရေးယူ ဆောင်ရွက်မှာ ဖြစ်ကြောင်းစသည့် ကုန်ညွှန်းအမှတ်အသားနှင့် ပတ်သက်၍ သိကောင်း စရာများ အား အသေးစိတ်ရှင်းလင်းဆွေးနွေးပြောကြားခဲ့သည်ဟု သတင်းရရှိပါသည်။

ရန်ကုန်တိုင်းဒေသကြီး

စားသုံးသူရေးရာဦးစီးဌာန

စားသုံးသူရေးရာဦးစီးဌာန၊ ဒုတိယညွှန်ကြားရေးမှူးချုပ် ဦးအောင်မောင်း ရေစကြိုမြို့နယ်၊ ကြက်ဆူ ကျင်းကျေးရွာတွင်ကျင်းပသော “မူပိုင်ခွင့်မှသည် ကုန်သွယ်ရေးကဏ္ဍများ ဖွံ့ဖြိုးတိုးတက်ရေးဆီသို့” အလုပ်ရုံဆွေးနွေးပွဲ တက်ရောက်ခြင်း

      (၆-၃-၂၀၂၀)ရက်နေ့၊ နံနက် (၀၉:၀၀) နာရီအချိန်တွင် စားသုံးသူရေးရာဦးစီးဌာန၊ ဒုတိယ ညွှန်ကြားရေးမှူးချုပ် ဦးအောင်မောင်းသည် မကွေးတိုင်းဒေသကြီး၊ ရေစကြိုမြို့နယ်၊ ကြက်ဆူကျင်း ကျေးရွာတွင်ကျင်းပသော “မူပိုင်ခွင့်မှသည် ကုန်သွယ်ရေးကဏ္ဍများ ဖွံ့ဖြိုးတိုးတက်ရေးဆီသို့” အလုပ် ရုံဆွေးနွေးပွဲသို့တက်ရောက်၍ အဖွင့်အမှာစကား ပြောကြားပါသည်။ ဒုတိယညွှန်ကြားရေးမှူးချုပ်က အမှာစကားပြောကြားရာတွင်  ရှင်မတောင်သနပ်ခါး စိုက်ပျိုးထုတ်လုပ်မှုကဏ္ဍရေရှည်ဖွံ့ဖြိုးရန်နှင့် အရည်အသွေးကောင်းမွန်စွာထုတ်လုပ်ရန် အသင်းအဖွဲ့များဖွဲ့စည်းစေ၍ ဆောင်ရွက်ခဲ့ပါကြောင်း၊ အသင်းအဖွဲ့အနေဖြင့် စည်းစည်းလုံးလုံးဖြင့် ဆောင်ရွက်ပါက စဉ်ဆက်မပြက် တိုးတက်မည် ဖြစ်ပါ ကြောင်း၊ ယခုအခါ ပြည်ပနိုင်ငံများက သနပ်ခါးကို ၎င်းတို့၏မူပိုင်အဖြစ် ပြောဆိုနေကြသည်ကို တွေ့ ရှိရပါကြောင်း၊ ထို့ကြောင့် မိမိတို့ဒေသထွက် သနပ်ခါးအား မူပိုင်ခွင့်ရရှိအောင် ဆောင်ရွက်သွားရန် လို အပ်ပါကြောင်း၊ သို့မှသာ ရေရှည်တည်တံ့ခိုင်မြဲစေမည် ဖြစ်ပါကြောင်း၊ ထုတ်ကုန်များ မူပိုင်ခွင့်ရရှိရေး ဆောင်ရွက်ကြရမည့်အချက်များနှင့်စပ်လျဉ်း၍ သိကောင်းစရာများအား မူပိုင်ခွင့်ဌာနမှ ဒုတိယညွှန် ကြားရေးမှူးချုပ် ဒေါက်တာမိုးမိုးသွယ်က ဆက်လက်ရှင်းလင်းဆွေးနွေးသွားမည်ဖြစ်ပါကြောင်း ဆွေး နွေးပြောကြားခဲ့ပါသည်။

           ထို့နောက် အလုပ်ရုံဆွေးနွေးပွဲအား ဆက်လက်ကျင်းပရာ မူပိုင်ခွင့်ဌာနမှ ဒုတိယညွှန်ကြား ရေးမှူးချုပ် ဒေါက်တာမိုးမိုးသွယ်က မူပိုင်ခွင့်ဆိုင်ရာသိကောင်းစရာများနှင့် မူပိုင်ခွင့်ပြုလုပ်ခြင်းဖြင့် ရရှိနိုင်သော အကျိုးကျေးဇူးများကိုလည်းကောင်း၊ မြန်မာကုန်သွယ်မှုမြှင့်တင်ရေးအဖွဲ့မှ ဦးစီးအရာရှိ ဒေါ်လှမိုးခိုင်က ရှင်မတောင်သနပ်ခါးနှင့် သနပ်ခါးထွက်ကုန်များ ပြည်ပဈေးကွက်အခြေအနေများကို လည်းကောင်း၊ မကွေးတိုင်းဒေသကြီး၊ စိုက်ပျိုးရေးဦးစီးဌာနမှ ဦးစီးအရာရှိ ဦးကျော်ဌေးက ရှင်မ တောင်သနပ်ခါး စိုက်ပျိုးထုတ်လုပ်မှုအခြေအနေများကို လည်းကောင်း၊ စက်မှုကြီးကြပ်ရေးနှင့် စစ် ဆေးရေးဦးစီးဌာနမှ တိုင်းဦးစီးမှူး ဒေါ်မြင့်မြင့်သိန်းက ရှင်မတောင်သနပ်ခါး တန်ဖိုးမြှင့်ထုတ်ကုန် ထုတ်လုပ်ခြင်းဆိုင်ရာများကို လည်းကောင်း၊ ပခုက္ကူခရိုင် အစားအသောက်နှင့်ဆေးဝါးကွပ်ကဲရေးဦး စီးဌာနမှ ဦးစီးအရာရှိ ဒေါ်တင်နီလာဌေးက သနပ်ခါး comestic ပစ္စည်း ထုတ်လုပ်ခြင်းနှင့်ပတ်သက်၍ လိုက်နာရန်အချက်များကို လည်းကောင်း၊ ပခုက္ကူခရိုင် ရှင်မတောင်သနပ်ခါးစိုက်ပျိုး ထုတ်လုပ်တင်ပို့ ရောင်းချသူများအသင်း ဥက္ကဋ္ဌက ရှင်မတောင်သနပ်ခါး၏ သမိုင်းစဉ်နှင့် ရှေ့ဆက်လက်ဆောင်ရွက် မည့် အစီအမံများကို လည်းကောင်း အသီးသီးရှင်းလင်း ဆွေးနွေးကြပါသည်။ ထို့နောက် တက်ရောက် လာသူများအား စားပွဲဝိုင်းများဖြင့် ဆွေးနွေးစေကာ ရှင်မတောင်သနပ်ခါး ဆက်လက်ဆောင်ရွက်ရ မည့် လုပ်ငန်းအစီအစဉ်များကို ဆွေးနွေးဖော်ထုတ်ခဲ့ကြပါသည်။ အလုပ်ရုံဆွေးနွေးပွဲသို့ ရှင်မတောင် သနပ်ခါးစိုက်ပျိုးထုတ်လုပ်သူတောင်သူ၊ လုပ်ငန်းရှင်များသာမက မူပိုင်ခွင့်ဆိုင်ရာကိစ္စရပ်များ သိရှိနိုင် စေရန် ရေစကြိုဒေသရှိ ထန်းလျှက်မှုန့်လုပ်ငန်းရှင်များ၊ လျှော်ဖြူလုပ်ငန်းရှင်များပါ တက်ရောက်ခဲ့ကြ ကြောင်း သတင်းရရှိပါသည်။

လွိုင်ကော်မြို့ပေါ်ရှိ စားသောက်ကုန်များ၊ လက်လီ/လက္ကား ထုတ်လုပ်ဖြန့်ဖြူးရောင်းချနေသော လုပ်ငန်းများ၊ ဆေးဆိုင်များတွင် စျေးကွက်စောင့်ကြည့်စစ်ဆေးခြင်း

          ၂၀၂၀ ခုနှစ်၊ မတ်လ (၄) ရက်နေ့တွင် ကယားပြည်နယ်၊ လွိုင်ကော်ခရိုင် စားသုံးသူရေးရာဦးစီးဌာနမှ တာဝန်ရှိသူများသည် လွိုင်ကော်မြို့ပေါ်ရှိ စားသောက်ကုန်များ၊ လက်လီ/လက္ကား ထုတ်လုပ် ဖြန့်ဖြူးရောင်းချနေသော လုပ်ငန်းများ၊ ဆေးဆိုင်များအား  သက်ဆိုင်ရာမိတ်ဖက်ဌာနအဖွဲ့အစည်းတို့နှင့်ပူးပေါင်း၍ စျေးကွက်စောင့်ကြည့်ကွင်းဆင်းစစ်ဆေး ဆောင်ရွက်ခဲ့ပါသည်။

           ထိုသို့ စျေးကွက်စောင့်ကြည့်စစ်ဆေးဆောင်ရွက်ရာတွင် စားသောက်ကုန်များ၊ လက်လီ/လက္ကား ထုတ်လုပ်ဖြန့်ဖြူးရောင်းချနေသော လုပ်ငန်းရှင်များ၊ ဆေးဆိုင်များအနေဖြင့် ဘေးအန္တရာယ်ကင်းရှင်းပြီး လုံခြုံစိတ်ချရသည့် ကုန်ပစ္စည်းများကိုသာ ထုတ်လုပ်ဖြန့်ဖြူး ရောင်းချကြရန်နှင့် ၂၀၁၉ စားသုံးသူကာကွယ်ရေးဥပဒေပါ ကုန်အညွှန်းအမှတ်အသားများတွင် မြန်မာဘာသာဖြင့် ဖော်ပြြခင်းနှင့် မြန်မာနိုင်ငံစားသုံးသူကာကွယ်ရေးကော်မရှင်၏ ၂/၂၀၁၉ ညွှန်ကြားချက်အား သိရှိလိုက်နာနိုင်ရေးအတွက် အသိပညာပေးခြင်းများ၊ လက်ကမ်းစာစောင်များ ဖြန့်ဝေခြင်းများနှင့်  သိလိုသည်များ မေးမြန်းလာသည့်အပေါ် ဖြေကြားဆောင်ရွက်ခဲ့ကြောင်း သိရှိရပါသည်။

ကယားပြည်နယ်

စားသုံးသူရေးရာဦးစီးဌာန

ဆီဆိုင်မြို့တွင် စားသုံးသူကာကွယ်ရေးအသိပညာပေးဆွေးနွေးပွဲများ ပြုလုပ်ကျင်းပခြင်းနှင့် စျေးကွက်ကွင်းဆင်းစစ်ဆေးမှု

       စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရှမ်းပြည်နယ်ဦးစီးမှူးရုံးမှ တာဝန်ရှိသူများသည် ၂၈ .၂ .၂ဝ၂ဝ ရက်နေ့တွင် စားသုံးသူကာကွယ်ရေးဆိုင်ရာ အသိပညာပေးဆွေးနွေးဟောပြောပွဲကို ဆီဆိုင်မြို့ အထွေထွေ အုပ်ချုပ်ရေးဦးစီးဌာနခန်းမ၌ ကျင်းပပြုလုပ်ခဲ့ပါသည်။

       အဆိုပါဆွေးနွေးပွဲတွင် စားသုံးသူရေးရာဦးစီးဌာနမှလုပ်ဆောင်နေသည့် လုပ်ငန်းများ အကြောင်း၊ ကုန်စည် / ဝန်ဆောင်မှုများကြောင့် စားသုံးသူများအနေဖြင့် နစ်နာမှုဆိုင်ရာ ကိစ္စရပ်များ ရှိပါက စားသုံးသူသတင်းပြန်ကြားရေးနှင့် တိုင်ကြားမှုစင်တာ (CICC)များသို့ တိုင်ကြားနိုင်ပါကြောင်း၊ တိုင်ကြားမှုများနှင့်ပတ်သက်၍လည်း ဖြေရှင်းဆောင်ရွက်ပေးခဲ့သည့် အကြောင်းအရာများ၊ ၂ဝ၁၉ခုနှစ်၊ စားသုံးသူကာကွယ်ရေးဥပဒေပြဌာန်းချက်တွင် ပါဝင်သော စားသုံးသူများ၏အခွင့်အရေးနှင့်တာဝန်များအကြောင်း၊ စီးပွားရေးလုပ်ငန်းရှင်များ၏ တာဝန်နှင့် တားမြစ်ချက်များအကြောင်း၊ ကုန်အညွန်းအမှတ်အသားဖော်ပြခြင်းဆိုင်ရာ အချက်အလက်များ အကြောင်းများကိုရှင်းလင်းဆွေးနွေးခဲ့ပါသည်။ အဆိုပါ ဆွေးနွေးပွဲသို့ မြို့နယ်အုပ်ချုပ်ရေးမှူး၊ ဒု- မြို့နယ်အုပ်ချူပ်ရေးမှူးနှင့် အထွေထွေအုပ်ချုပ်ရေးဦးစီးဌာနမှဝန်ထမ်းများ၊ ရပ်ကွက်အုပ်ချုပ်ရေးမှူး များနှင့်ဌာနဆိုင်ရာများမှတာဝန်ခံအရာရှိများစုစုပေါင်း (၂ဝ၃)ဦး တက်ရောက်ခဲ့ကြပါသည်။

         ထို့နောက် ဆီဆိုင်မြို့၊ မြို့မစျေးနှင့် ရပ်ကွက်ကုန်စုံ ဆိုင်များ၊ လုပ်ငန်းရှင်များအား ၂ဝ၁၉ခုနှစ်  စားသုံးသူကာကွယ်ရေးဥပဒေ အခန်း(၁၈)ပါ ကုန်အညွှန်းအမှတ်အသားဖော်ပြခြင်းဆိုင်ရာ အချက်အလက်များ အသိပညာပေးခြင်းများကို လည်းကောင်း၊ ၂ဝ၂ဝပြည့်နှစ်၊ မတ်လ (၁၆) ရက်နေ့မှစ၍ မြန်မာဘာသာဖြင့်ဖြစ်စေ၊ မြန်မာဘာသာနှင့်အခြားဘာသာတွဲလျက်ဖြစ်စေ ဖော်ပြထားသည့်ကုန်စည်များကိုသာရောင်းချရန်နှင့် အသိပညာပေးလက်ကမ်းစာစောင်များ ဖြန့်ဝေခြင်းများကို ဆောင်ရွက်ခဲ့ကြကြောင်း သတင်းရရှိပါသည်။

ရှမ်းပြည်နယ်(တောင်ပိုင်း)

စားသုံးသူရေးရာဦးစီးဌာန

ပုသိမ်ခရိုင်၊ ဝါးဒူးကျေးရွာအုပ်စု၊ ဝါးဒူးကျေးရွာတွင် ကျင်းပပြုလုပ်သည့် တောင်သူလယ်သမားနေ့ ပြခန်းဖွင့်ပွဲ အခမ်းအနား

    ဧရာဝတီတိုင်းဒေသကြီး၊ အစိုးရအဖွဲ့မှ ကြီးမှူးကျင်းပပြုလုပ်သည့် တောင်သူလယ်သမားနေ့ အခမ်းအနားကို ပုသိမ်ခရိုင်၊ ဝါးဒူးကျေးရွာအုပ်စု၊ ဝါးဒူးကျေးရွာတွင် ကျင်းပပြုလုပ်ရာ ၂၀၂၀ ပြည့်နှစ် မတ်လ(၁) ရက်နေ့ (၀၈:၃၀) အချိန်၌ ဧရာဝတီတိုင်းဒေသကြီး အစိုးရအဖွဲ့ ဝန်ကြီးချုပ် ဦးလှမိုးအောင်နှင့် ဝန်ကြီးများမှ တောင်သူလယ်သမားနေ့ ပြခန်းကို ဖဲကြိုးဖြတ်ဖွင့်လှစ်၍ လှည့်လည်ကြည့်ရှု အားပေးကြပါသည်။

      အဆိုပါ အခမ်းအနားသို့ ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ်နှင့် ဝန်ကြီးများ၊ လွှတ်တော်ကိုယ်စားလှယ်များ၊ တိုင်းအဆင့်ဌာနဆိုင်ရာအကြီးအကဲများ၊ တာဝန်ရှိသူများ၊ ဒေသခံတောင်သူများ လာရောက်ခဲ့ကြပြီး စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးမှ ဧရာဝတီတိုင်းဒေသကြီး အတွင်းရှိ မြို့နယ်အလိုက် ဒေသထွက်ကုန်များ ခင်းကျင်းပြသထားမှု နှင့် ၂၀၁၉- ၂၀၂၀ ခုနှစ် ၊ အခြေခံရည်ညွှန်းဈေးနှုန်းဖြင့် ဧရာဝတီတိုင်းဒေသကြီးအတွင်း စပါး၊ ဆန်ဝယ်ယူခြင်း ဆောင်ရွက်မှုများ စားသုံးသူအခွင့်အရေးများ၊ စားသုံးသူကာကွယ်ရေးဥပဒေ အခန်း (၁၈) ပါ ကုန်အညွှန်းအမှတ်အသားဖော်ပြခြင်းနှင့် စားသုံးသူတိုင်ကြားမှုများနှင့် ပတ်သက်၍ ဖြေရှင်းဆောင်ရွက်မှုများအား ရှင်းလင်းပြောကြားခဲ့ပါသည်။

ဧရာဝတီတိုင်းဒေသကြီး

စားသုံးသူရေးရာဦးစီးဌာန

         

Pages

Subscribe to RSS - Common News