HighLight News

                  ၁၁.၁၁.၂၀၂၄ ရက်နေ့ နံနက်(၁၁:၂၀)နာရီအချိန်တွင် မြောက်ပိုင်းခရိုင်ဦးစီးမှူးရုံးမှ ဝန်ထမ်းများသည် ထန်းတပင်မြို့နယ်၊ မြို့မဈေးတွင်ရောင်းချနေသောဆန်ဆိုင်များသို့ ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ပါသည်။

                ထိုသို့ ကွင်းဆင်းစစ်ဆေးရာတွင် မြို့မဈေးတာဝန်ခံ ဦးကျော်မင်းထက်မှပူးပေါင်းပါဝင်လျက် ဆန်ဆိုင်များဖြစ်သော ကိုဇော်မင်းနိုင်၊ ကိုထက်ဝေနှင့် ကိုဘာလာဆိုင်များတွင် ရွှေဘိုပေါ်ဆန်း၊ ဇီယာ၊ ဧည့်မထ၊ ပေါ်ဆန်း၊ ရက်(၉၀)၊ ကျားပျံနှင့် ပေါ်ဆန်းမွှေးတို့ကို မြန်မာနိုင်ငံဆန်စပါးလုပ်ငန်းအသင်းမှ သတ်မှတ်ထားသောဈေးနှုန်းများအတိုင်း ရောင်းချပါကြောင်း မိမိတို့ဈေးတွင် လက်လုပ်လက်စားများစွာနေထိုင်သောကြောင့် ဆန်မှာနေ့စဉ်အရောင်းသွက်ပါကြောင်း၊ ဈေးနှုန်းမြှင့်တင်ရောင်းချခြင်းလည်းမရှိပါကြောင်း မိမိတို့ဌာနမှလည်း သတ်မှတ်ဈေးအတိုင်းရောင်းချရန် ပြောကြားခဲ့ကြောင်းသိရှိရပါသည်။

DOCA(ရန်ကုန်)

                ၁၁.၁၁.၂၀၂၄ ရက်နေ့ နံနက်(၁၀:၀၀)နာရီအချိန်တွင် မြောက်ပိုင်းခရိုင်ဦးစီးမှူးရုံးမှ ဝန်ထမ်းများသည် ထန်းတပင်မြို့နယ်သို့ စားအုန်းဆီမြေပြင်ရောင်းချနေမှုအား ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ပါသည်။

                ထိုသို့ဆောင်ရွက်ရာတွင် မြို့မဈေးတာဝန်ခံ ဦးကျော်မင်းထက်နှင့် လက်ကားကိုယ်စားလှယ်ဦးစောအောင်မျိုးသူတို့ပူးပေါင်းပါဝင်လျက် ကုန်မျိုးစုံဆိုင်များဖြစ်သော ဦးဝင်းဗိုလ်၊ ဦးမြင့်နိုင်၊ ဒေါ်မာလာရွှေ၊ ဒေါ်တင်တင်မူနှင့် ဦးသက်ဝေဆိုင်များတွင် နေ့စဉ်ရရှိသောခွဲတမ်းများအား ရပ်ကွက်အုပ်စုအလိုက် စာအုပ်စနစ်ဖြင့်နေ့စဉ်ရောင်းချပေးပါကြောင်း၊ ဈေးနှုန်းမှာလည်း လက်ကားကိုယ်စားလှယ်များမှ သတ်မှတ်ပေးသောဈေးနှုန်းများအတိုင်းရောင်းချပြီး အလေးချိန်မှာလည်း ပြည့်ပြည့်ဝဝပေးပါကြောင်း လက်ကျန်လည်းမထားရှိပါကြောင်း၊ နေ့စဉ်ကုန်အောင်ရောင်းချပေးပါကြောင်း၊ မိမိတို့ဌာနမှလည်း သိုလှောင်ထားခြင်းရှိလျှင် အရေးကြီးကုန်စည်နှင့်ဝန်ဆောင်မှု ဥပဒေအရအရေး ယူမည်ဖြစ်ကြောင်း အသိပေးဆွေးနွေးပြောကြားခဲ့ကြောင်း သိရှိရပါသည်။

DOCA(ရန်ကုန်)

        စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ မအူပင်ခရိုင်၊ ဓနုဖြူမြို့နယ်ဦးစီးမှူးရုံးမှ မြို့နယ်တာဝန်ခံနှင့် ဝန်ထမ်းများသည်   (၁၁-၁၁-၂၀၂၄)ရက်နေ့၊ နံနက်  (၁၁:၀၀) နာရီအချိန်တွင်မြို့နယ်စည်ပင်သာယာရေးအဖွဲ့တို့နှင့်ပူးပေါင်း၍ စားအုန်းဆီရောင်းချသူလုပ်ငန်းရှင် ( ၂၀ ) ဦးအား စားသုံးသူအသိပညာများဟောပြောဆွေးနွေးခဲ့ကြသည်။

      အဆိုပါဆွေးနွေးပွဲတွင် ဓနုဖြူမြို့နယ်အတွင်း စားအုန်းဆီရောင်းချနေသောလုပ်ငန်းရှင်များအနေဖြင့် ဆီရောင်းချရာတွင် နေ့စဉ် သတ်မှတ်ရည်ညွှန်းဈေးဖော်ပြ၍ရောင်းချကြရန်၊ ဆီစက်လုပ်ငန်းများဖွံ့ဖြိုးတိုးတက်ရေး၊ ကုန်ဈေးနှုန်းတည်ငြိမ်စေရေးကိုဆွေးနွေးခဲ့ပြီး၊ မိမိတို့ရောင်းချဖြန့်ဖြူးသောဆီများကို စနစ်တကျရောင်းချကြပြီး တစ်နေ့ချင်းရောင်းချမှုပိဿာ၊ လက်ကျန်ဆီ၊ စားသုံးဆီထုတ်ယူခွင့်စာအုပ်ဖြင့် ဝယ်ယူသူများကို နေ့စဉ် စာရင်းပြုစုရောင်းချကြရန်၊ ဆီရောင်းချသူလုပ်ငန်းရှင်နှင့် စားသုံးဆီဝယ်ယူသူပြည်သူများ အငြင်းပွားမှုမရှိစေရန် စနစ်တကျလုပ်ကိုင်ဆောင်ရွက်ရန် အကြံပြုဆွေးနွေးခြင်းများ၊ လုပ်ငန်းရှင်များအနေဖြင့်လည်း သက်ဆိုင်ရာဌာနတို့၏အမိန့်၊ ညွှန်ကြားချက်များကို လိုက်နာဆောင်ရွက်ရန်လိုအပ်ကြောင်း၊ စားသုံးဆီထုတ်ယူသည့် ကိုယ်စားလှယ်များ လုပ်ငန်းသုံးဆီများကို စနစ်တကျထုတ်ယူပြီး၊ စနစ်တကျငွေသွင်းမှုဆောင်ရွက်၍ ချလန်ပြေစာများကို စနစ်တကျသိမ်းဆည်းဆောင်ရွက်ကြရန် အကြံပြုပြောကြားခဲ့ပြီး ၂၀၁၉ စားသုံးသူကာကွယ်ရေးဥပဒေပါ လုပ်ငန်းရှင်များလိုက်နာရမည့်တာဝန်များအား ရှင်းလင်းဆွေးနွေးအသိပညာပေးခဲ့ပြီး အသိပညာပေးလက်ကမ်းစာစောင်များဖြန့်ဝေပေးခဲ့ကြောင်းသိရှိရပါသည်။

DOCA(ဧရာဝတီ)

         ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ စားသုံးသူရေးရာဌာနခွဲမှ လက်ထောက်ညွှန်ကြားရေးမှူး ဦးကျော်စိုးရီနှင့် အဖွဲ့သည် (၁၀-၁၁-၂၀၂၄)ရက်နေ့၊ နံနက် (၁၀:၀၀) နာရီအချိန်တွင် ပုသိမ်မြို့နယ်၊ အမှတ်(၉) အခြေခံပညာအထက်တန်းကျောင်း၌ ကျောင်းအုပ်ဆရာမကြီးအပါအဝင် ဆရာ/ ဆရာမ (၂၅)ဦး၊ ကျောင်းသား/ သူ (၂၇၈)ဦး၊ စုစုပေါင်း (၃၀၃)ဦးအား စားသုံးသူကာကွယ်ရေးဆိုင်ရာ အသိပညာပေးဟောပြောပွဲကျင်းပပြုလုပ်ပေးခဲ့ပါသည်။

      အဆိုပါဟောပြောပွဲတွင် စားသုံးသူရေးရာဦးစီးဌာန၊ စားသုံးသူရေးရာဌာနခွဲမှ လက်ထောက်ညွှန်ကြားရေးမှူး ဦးကျော်စိုးရီက မိတ်ဆက်စကားပြောကြားခဲ့ပြီး စားသုံးသူရေးရာဌာနခွဲ၏ မျှော်မှန်းချက်၊ ရည်မှန်းချက်၊ စားသုံးရန်မသင့်သော အစားအသောက်များအကြောင်းကို ရှင်းလင်းဟောပြောခဲ့ပါသည်။ ဆက်လက်၍ ထုတ်ကုန်လုံခြုံစိတ်ချရမှုဌာနခွဲမှ ဦးစီးမှူး ဒေါ်မိုးမိုးခိုင်က ထုတ်ကုန်လုံခြုံစိတ်ချရမှုဆိုင်ရာသိကောင်းစရာများကိုဟောပြောခဲ့ပြီး၊ စားသုံးသူရေးရာဌာနခွဲမှ ဒု-ဦးစီးမှူး ဒေါ်စုသင်းအောင်က စားသုံးသူသတင်းလက်ခံဆောင်ရွက်ရေးစင်တာ (CICC) အကြောင်းသိကောင်းစရာများဟောပြောခဲ့ပြီး၊ ကျောင်းသား/ သူများအား အသိပညာပေးလက်ကမ်းစာစောင်များဖြန့်ဝေပေးခဲ့ပြီး အခမ်းအနား အောင်မြင်စွာပြီးမြောက်ခဲ့ကြောင်းသိရပါသည်။

DOCA(ဧရာဝတီ)

        စားသုံးသူရေးရာဦးစီးဌာန၊ မအူပင်မြို့နယ်ဦးစီးမှူးရုံးမှ မြို့နယ်တာဝန်ခံနှင့် ဝန်ထမ်းများသည်  (၁၂-၁၁-၂၀၂၄)ရက်နေ့တွင် မအူပင် တာပတ်အရှေ့ကျေးရွာ ဓမ္မာရုံတွင် စားသောက်ကုန်မျိုးစုံရောင်းချသူ လုပ်ငန်းရှင်(၁၃)ဦးနှင့်တွေ့ဆုံ၍ စားသုံးသူကာကွယ်ရေး အသိပညာပေးဟောပြောခဲ့ကြသည်။

  အဆိုပါဟောပြောပွဲတွင် မအူပင်မြို့နယ်တာဝန်ခံ ဦးအောင်ဇော်ဦး၊ ဦးစီးအရာရှိက စားသုံးသူကာကွယ်ရေးဥပဒေ (၂၀၁၉)ကို ရှင်းလင်းဆွေးနွေးခဲ့ပြီးနောက် စားသုံးသူကာကွယ်ရေးလုပ်ငန်းစဉ်ကိစ္စရပ်ကိုရှင်းလင်းခြင်း၊ စားသုံးသူ၏အဓိပ္ပါယ်၊ စီးပွားရေးလုပ်ငန်းရှင်လိုက်နာရမည့် တာဝန်များကိုရှင်းလင်းခြင်းနှင့် စားသုံးသူကာကွယ်ရေးဥပဒေ ၂၀၁၉၊ အခန်း(၁၈)၌ဖော်ပြထားသော ကုန်အညွှန်းအမှတ်အသားတွင် ပါရှိရမည့်အချက်များကိုရှင်းလင်းခြင်း၊ စားသုံးသူသည် လိုအပ်ချက်အရ ကုန်စည်ကိုဝယ်ယူ အသုံးပြုရာတွင် စားသုံးသူနှင့်ပတ်သက်ဆက်နွှယ်သည့် အကြောင်းအရာများ၊ ဝန်ဆောင်မှုများနှင့်ပတ်သက်သည့် အကြောင်းအရာ များ၊ ထိခိုက်နစ်နာမှုများနှင့်ပတ်သက်သည့် အကြောင်းအရာများအားတိုင်ကြားနိုင်သည့် Website များကိုလည်း အကျယ်တဝင့်ရှင်းလင်းပြောကြားခဲ့ပြီး လက်ရှိလုပ်ဆောင်နေမှုများနှင့် ဆက်လက်လုပ်ဆောင်ရမည့် လုပ်ငန်းများအကြောင်းကို ရှင်းလင်းပြောကြာသွားကြောင်းသိရပါသည်။

DOCA(ဧရာဝတီ)