ပုဂ္ဂလိကကျောင်း ပညာရေးဝန်ဆောင်မှုနှင့်ပတ်သက်၍ တိုင်ကြားခြင်း

Powered by Drupal

         ရန်ကုန်တိုင်းဒေသကြီး၊ မြောက်ဒဂုံမြို့နယ်နေ တိုင်ကြားသူတစ်ဦးသည် xxxxxxx ကလေး ဦးနှောက်ဖွံ့ဖြိုးမှုသင်တန်းကျောင်း၏ ပုံမှန်သင်ကြားရေးစနစ်မှ Online Learning Programme အဖြစ် ပြောင်းလဲပို့ချရာတွင် အချက်(၈) ချက်ကို ပြင်ဆင်ထားသည့်အပြင် ကျောင်းအပ်ခမှ ၅၀% ကို ပြန်အမ်းမည့် ဝန်ဆောင်မှုနှင့်ပတ်သက်၍ တိုင်ကြားလာပါသည်။

       တိုင်ကြားမှုနှင့်ပတ်သက်၍ ရန်ကုန်တိုင်းဒေသကြီးဦးစီးမှူးရုံးမှ တာဝန်ရှိသူများက ၁-၁၂-၂၀၂၀ ရက်နေ့တွင် တိုင်ကြားသူနှင့် xxxxxxx သင်တန်းကျောင်းမှ တာဝန်ရှိသူများအား နှစ်ဦးနှစ်ဖက် တွေ့ဆုံညှိနှိုင်းပေးခဲ့ရာ ၂၂-၃-၂၀၂၁ ရက်နေ့တွင် xxxxxxx သင်တန်းကျောင်းက လျော်ကြေးငွေ ၅၀ % ကို ၂၀၂၁ ခုနှစ် မတ်လကုန်တွင် နိုင်ငံတော်မှ ကျောင်းများ ဖွင့်ခွင့်မပြုသည့်အတွက် ဧပြီလ  ၁ ရက်မှ ၁၅ ရက်အတွင်း စာချုပ်ပါစည်းကမ်းအရ ထုတ်ပေးမည်ဖြစ်ကြောင်း သဘောတူညီခဲ့ပြီး ၇-၄-၂၀၂၁ ရက်နေ့တွင် xxxxxxx သင်တန်းကျောင်းမှ တာဝန်ရှိသူနှင့် တိုင်ကြားသူတို့ နှစ်ဦးသဘောတူ ကတိ စာချုပ်ချုပ်ဆိုပြီး တိုင်ကြားသူထံ ငွေကျပ် (၆၆၁,၅၀၀/-) ပြန်လည်ပေးအပ်ခဲ့ပြီးဖြစ်သဖြင့် အမှုအား ပိတ်သိမ်းဆောင်ရွက်ခဲ့ပါသည်။