Languages

စားသုံးသူအကာအကွယ်ပေးရေးအသိပညာပေးဟောပြောပွဲနှင့် စားသုံးသူရေးရာအဖွဲ့ငယ်များဖွဲ့စည်းခြင်း

Powered by Drupal

စားသုံးသူအကာအကွယ်ပေးရေးအသိပညာပေးဟောပြောပွဲနှင့် စားသုံးသူရေးရာအဖွဲ့ငယ်များဖွဲ့စည်းခြင်း

            (၁၄.၁၁.၂၀၁၈) ရက်နေ့တွင် ကလေးခရိုင်၊ စားသုံးသူရေးရာဦးစီးဌာနမှ ခရိုင်ဦးစီးမှူး နှင့်အတူ ဝန်ထမ်းများ၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာနတို့နှင့် ပူးပေါင်း၍ နတ်ချောင်းကျေးရွာ၊ အ.ထ.က ကျောင်းတွင် စားသုံးသူအကာအကွယ်ပေးရေးဟောပြောပြီး၊  အ.လ.က (ခွဲ) ချောင်းခွကျောင်းတွင် စားသုံးသူရေးရာ အဖွဲ့ငယ် ဖွဲ့စည်းဆောင်ရွက်ခဲ့ပါသည်။

            နတ်ချောင်းကျေးရွာ၊ အ.ထ.က ကျောင်းတွင် စားသုံးသူအကာအကွယ်ပေးရေးဟောပြောခဲ့ရာတွင် ကလေးခရိုင်ဦးစီးမှူး ဦးစိုးအောင်မှ စားသုံးသူအကာအကွယ်ပေးရေးဥပဒေအကြောင်းအရာများနှင့် စားသုံးသူများ၏ ရပိုင်ခွင့်အခွင့်အရေးများ၊ Ready Made အစားအစာများ ဝယ်ယူစားသုံးရာတွင် ရွေးချယ်ဝယ်ယူစားသုံး နိုင်စေရန်နှင့် ပြန်ကြားရေးနှင့်ပြည်သူ့ဆက်ဆံရေးဦးစီးဌာနက ဦးစီးမှူးဒေါ်သန်းထိုက်အောင်မှ စာဖတ်ရှိန်မြှင့်မားရေး အသိပညာပေးအကြောင်းသိကောင်းစရာများခေါင်းစဉ်ဖြင့် ဟောပြောခဲ့ပါသည်။

            ဆက်လက်၍ ချောင်းခွကျေးရွာ၊ အ.လ.က (ခွဲ) ကျောင်း သို့ သွားရောက်ပြီး ကျောင်းစားသုံးသူရေးရာအဖွဲ့ငယ် ဖွဲ့စည်းဆောင်ရွက်ခဲ့ပြီး ၎င်းအဖွဲ့တွင် နာယကအဖြစ် ကျောင်းအုပ်ဆရာကြီး ဦးပြူးစိန်၊ ပထမခေါင်းဆောင်၊ ဒုတိယခေါင်းဆောင်၊ တတိယခေါင်းဆောင်နှင့် အဖွဲ့ဝင်စုစုပေါင်း (၈)ဦးဖြင့် ဖွဲ့စည်းခဲ့ပါသည်။ ကျောင်းစားသုံးသူရေးရာအဖွဲ့ ဖွဲ့စည်းရာတွင် ကလေးခရိုင်ဦးစီးမှူး ဦးစိုးအောင်မှ ဖွဲ့စည်းရခြင်း၏ ရည်ရွယ်ချက်များနှင့် ရှေ့ဆက်လက်၍ မိမိတို့ဌာနမှ အကောင်အထည်ဖော်ဆောင်ရွက်မည့် လုပ်ငန်းစဉ်များကို အဖွဲ့ဝင်များသို့ ရှင်းလင်းပြောကြားခဲ့ကြောင်း သိရှိရပါသည်။

 

မြင့်အောင်(ကလေး)